Aitasantutza
-
Upload
erlijioa-bizi -
Category
Documents
-
view
229 -
download
6
description
Transcript of Aitasantutza
m 1
Lekaroz BHI Erlijio
Departamendua Egoitz Telletxea Etxepare
Sarrera Aita Santua katolikoontzat garrantzi handiko pertsonaia da, bera baita Kristoren ordezkaria
lurrean, Elizaren zuzendari eta gidari, San Pedro apostoluaren ondorengo eta finean egiazkoa
eta bakarra den gure fedearen nondik norakoak argitzen dituena.
Horrela bada beharrezkoa da Aita Santuaren izena zein den jakiteaz aparte Aitasantutzaren
inguruan zerbait gehiago jakitea, esaterako: nondik datorren aitasantutza, zer den eta nor den
Aita Santua, zeintzuk diren Aita Santuaren eskumenak, nola hautatzen den Aita Santu berri
bat… eta noski azken Aita Sainduen inguruko zenbait gauza.
Kristauen artean askotan katolikooi ez zaigu katoliko deitzen Papist edo Papista baizik. Ez beti,
baina askotan espresatzeko modu hori zentzu iraingarrian erabili dute gure kontra. Bai,
Aitasantuzaleak gara baina ez nahi dugulako edo horrela bururatu zaigulako, benetako Eliza
Kristoren borondatez aitasantuzalea delako baizik. Gauzak horrela eta gure fedea
defendatzeko gai izate hutsagatik gehixeago jakin beharko genuke gure Elkartea zuzentzen
duen pertsona eta instituzioari buruz.
Horrexegatik, eta ez delako nahikoa Benedikto XVI. tarteka telebistan agertzen dela
jakitearekin ondoko orrialde hauetan Pedroren ondorengoei buruzko informazio interesgarria
jasotzeko parada izanen duzu eta inoiz pentsatuko ez zenituen bitxikeri eta ohituren berri
jakiteko.
Nor da Aita Santua? Aita Santua, gauza guztien gainetik, Eliza Katoliko
Apostoliko Erromatarraren burua da. Ardura eta postu
hau San Pedro apostoluarengandik datorkio eta honi
Kristo berak emandako eskumenetatik ondoren ikusiko
dugun bezala. Gaur egun lan garrantzitsu honetan
diharduena Josef Alois Ratzinger da, Benedikto XVI.
Aita Santua izendatzeko izen ugari daude: Aita Saindu,
Erromako gotzain, Kristoren bikario, San Pedroren
ondorengo, Jaunaren zerbitzarien zerbitzari, Pontifize
goren edo Papa. Izen guzti hauek Aita Sainduaren
garrantzia azpimarratzen dute Elizako bertze gotzain eta pertsonaien artean. Esaterako
Kristoren Bikario tituluak Erromako gotzaina Jesus, Jainkoaren semearen, ordezkari dela
nabarmentzen du, hortxe ikus daiteke kargu honek daukan parerik gabeko garrantzia.
Esparru izpiritualaz aparte, hau da, Eliza Katolikoa zuzentzeaz gain, Aita Saindua Vatikanoko
Estatu independenteko burua da, beraz, munduko edozein herrialdeko presidentearen
eskubide, ohore, pribilegio eta betebeharrak dauzka. Horrexegatik edozein lurraldera joaten
delarik ez zaio soilik harrera munduko erlijio garrantzitsuenetako baten buru bezala egiten,
estatuburu ere badelako baizik.
Aita Santuak mundu mailara daukan autoritatea ukaezina da. Moral eta etika mailara izan
daiteke inork ez izatea Eliza Katolikoaren buruak daukan eragina. Bere iritziak eztabaidatuak
diren arren beti dira kontutan hartuak eta sona handikoak. Hortaz aparte kontutan eduki
m 2
Lekaroz BHI Erlijio
Departamendua Egoitz Telletxea Etxepare
behar da Pedroren ondorengoek izan ohi duten prestakuntza akademikoa eta maila
intelektuala.
Aitasantutzaren jatorria Aitasantutzak jatorria Jesukristorengan dauka. Jesusek
berak sortutako elkarte edo Elizaren buru San Pedro, bere
apostoluetan lehena, izendatzen duenean. Beraz
kristautasunaren zenbait adarrek erran dezaketenaren
kontra Jesus, Jainko eta Gizon, Mesias, munduaren
eroslearen borondatea izan zen berak sortutako
mugimenduak buru bat izatea. Mateoren ebanjelioak
honako hauxe erraten digu (Mateo 16,15-19):
Jesusek galdetu zien:
–Eta zuek, nor naizela diozue?
Simon Pedrok erantzun:
–Zu Mesias zara, Jainko biziaren Semea.
Orduan, Jesusek esan zion:
–Zorionekoa zu, Simon, Jonasen semea, hori ez baitizu hezur-
mamizko inork agertu, zeruko nire Aitak baizik. Eta nik hau
diotsut: Pedro zara zu, eta harkaitz horren gainean eraikiko dut
nik neure eliza; eta herioaren indarrak ere ez du menderatuko.
Jainkoaren erreinuko giltzak emango dizkizut; zuk mundu honetan lotua zeruan ere loturik geldituko da,
eta zuk mundu honetan askatua zeruan ere askaturik geldituko da.
Ederrak bezain adierazgarriak dira Jesusen hitzak. Jonasen seme Simoni izena
aldatzen dio eta Harkaitz izena eman, Jesusek berak sortutako etxe baten
giltzarria edo oinarria balitz bezala. Hau erranez Jesusek Pedrori zerurako bidea
erakusteko gaitasuna eta boterea ematen dio, Berri Onaren benetako maisu eta
aplikatzaile izateko, bere Elkartea antolatzeko eta mugatzeko, arautzeko beti
ere Kristoren izenean egiten duelarik lurrean egindakoa zeruan ere egina izango
delako. Momentu honetan Jainkoaren semeak Simon, Galileako arrantzale xume
bat, bere ordezkari izendatzen du.
Jesusek izendapen hau Feliperen Zesarea izeneko herri batetan egin zuen
apostolu guztiak aurrean zeudela. Horrela bada Jesusen ikasleek ere segituan
onartu zuten Pedro haien artean buruzagi bezala. Itun Berritik pasarte
desberdinak atera genitzake oraintxe errandakoa apostoluek benetan bizi zutela
adierazteko, hau da, Pedro lidertzat onartzen zutela adierazteko. Ederrenetako
bat eta agian sinpleena ere bai San Joanek kontatzen digu bere ebanjelioan eta
ondoko hauxe da (Jn 20,1-8):
Asteko lehen egunean Magdalako Maria hilobira joan zen goizean goiz, artean ilun
zegoela, eta harria hilobitik kendua ikusi zuen. Orduan, Simon Pedrorengana eta Jesusek
Bazenekien…?
Miguel Angelek diseinatu zuen
Vatikanoko San Pedro Basilikaren kupula
barrutik apaintzen duena irakurri berri
duzun pasartearen latinez eta grekoz
idatzitako zati bat dela?
harkaitz horren gainean:
Grekozko Petros izena
arameerazko Kefas
(harkaitz) hitzaren
itzulpena da. Aurrez ez
zen izen propio bezala
erabiltzen, eta I.B.an
Jesusek Pedrori
ezarritako izen berria
bezala bakarrik erabiltzen
da. Jatorrizkoan hitz-
jokoa dago Petros
izenaren eta petra
(harkaitz) hitzaren
artean; euskaraz,
Harkaitz zara zu, eta
harkaitz horren gainean…
esango bagenu bezala
m 3
Lekaroz BHI Erlijio
Departamendua Egoitz Telletxea Etxepare
1 Peruginoren margolana: Kristo San Pedrori giltzak ematen
maite zuen beste ikasleagana (San Joan bera)
itzuli zen lasterka, eta esan zien: «Eraman
egin dute Jauna hilobitik, eta ez dakigu non
ipini duten. Irten ziren, orduan, Pedro eta
beste ikaslea eta hilobirantz jo zuten. Biak
batera zihoazen korrika, baina beste ikaslea
Pedro baino arinago zihoan, eta lehenago
iritsi zen hilobira. Barrura begiratzeko
makurturik, oihal-zerrendak lurrean zeudela
ikusi zuen, baina ez zen sartu. Iritsi zen haren
atzetik Simon Pedro eta sartu zen hilobira.
Oihal-zerrendak lurrean ikusi zituen, baita Jesusen burua biltzen egoniko zapia ere; baina hau ez
zegoen oihal-zerrendekin batera jarria, beste toki batean aparte bildua baizik. Orduan, sartu
zen beste ikaslea ere, hilobira lehenengo iritsi zena. Ikusi eta sinetsi egin zuen.
Pasarte honek garbi adierazten du San Joan bezalako apostolu batek, Jesusen ikasle
maiteenak, Pedroren buruzagitza onartzen duela. Hilobira lehenago ailegaturik atean itxaron
eta Pedro iritsi eta sartu arte ez da bera ere sartzen. Errespetuzko keinu aparta da, nolabait
Joanek Jesusek ezarritako mailakatzea erabat onartua daukala adierazten du.
Apostoluen Eginetara jotzen badugu bertan ikusiko dugu Pedrok daukan pisu eta garrantzia
erabatekoa dela, Judasen ordezkoaren hautaketa antolatzen duena bera da, beti agertzen
zaigu apostoluen bozeramaile bezala, bereak dira jendaurreko hasierako hitzaldi gehienak,
bera da Joanekin batera atxilotzen dutenean Anas eta Kaifasen aintzinean solasean ariko dena.
San Paulo agertzen denean ere eta Elizari bere ekarpena egiten dionean Pedro izanen du
aurrez aurre eta ez beti Tarsoko misiolariaren iritziekin ados. Hemen ere erran dezakegu
Paulok Pedro ez zuela inoiz Simon deitu baizik eta Cefas (hau da, Pedro Arameeraz), datu hau
ere Pedroren maila ulertzeko nahiko adierazgarri suerta daiteke.
Laburbilduz erran genezake nahiko garbia dela Simon Pedrok lehenengo krsitau elkarte hartan
izan zuen agintaritza eta postua.
Nor zen San Pedro? Historiako lehen Aita Santuari buruz dakigu Itun Berriak eta
Alexandriako Klementek zein Erromako Klementek erraten digutena.
Azken hau Pedroren bigarren ondorengoa izan zen eta seguruenik
pertsonalki ezagutu zuen.
Benetako izena Simon Bar Jona zuen eta ziur aski Galileako Betsaida
herrikoa zen nahiz eta Jesusen ikasle egin zenerako (K.o 28-29 urtea)
Kafarnaunen bizi amaginarrebaren etxean, beraz ezkonduta zegoela
ere badakigu. Alexandriako Klementek erraten duenaren arabera
semeak ere bazituen eta antza denez bere emazteak martiritza jasan
omen zuen.
Ogibidez arrantzalea bere txalupa propioaren jabe zela ematen du,
beraz egonkortasun ekonomiko bat bazeulaka ulertu dezakegu.
m 4
Lekaroz BHI Erlijio
Departamendua Egoitz Telletxea Etxepare
Bere Anaia Andresen bitartez sartu zen Jesusen taldean eta handik
aitzinera talde haren buru bilakatu zen Kristoren Berri Onagatik odola
isurtzeraino. Jesusen ikasle gertukoenetako bat izan zen bere anaia,
Joan eta Santiagorekin batera eta Jainkoaren Semearen historia eta
Mezuaren lekuko aparta izan zen izan ere Jesusen Antzaldatzean,
azken afarian, epaiketan… present egon baitzen.
Mendekoste ondoren misiolaritzari ekin zion Berri Ona zabalduz.
Lehenik bere lurraldean barrena ibili zen ondoren bertze lurraldetara
bere pastoraltza zabalduz harik eta Erroman bukatu zuen arte
Antiokiako elkartea sortu ondoren.
Inperioaren hiriburuan jadanik existitzen zen kristau elkarte bat
zuzentzen hasi zela erraten digu tradizioak. Heriotza bera ere
Erroman izan zuen Neronen jazarpenen garaian eta uste denez
Neronek Vatikanoko muinoan zeukan zirkuan hil zuten Pedro buruz behera berak hala
eskaturik. Uste denaren arabera 67.urteko ekainaren 29an izan zen.
Jesusek jadanik errana zion bere heriotza nolakoa izango zen
(Joan 21, 18-19):
Bene-benetan diotsut: Gazteago zinenean, zeuk
lotzen zenuen gerrikoa eta nora joan erabakitzen;
zahartzean, ordea, zuk besoak luzatu eta beste batek
lotuko dizu gerrikoa eta nahi izango ez duzun lekura
eramango zaitu.
Horrela, Jainkoari aintza zer-nolako heriotzaz
emango zion adierazi zuen Jesusek.
Kondaira batek dioenaren arabera Pedrok bere heriotza
hurbil ikusirik Erromatik alde egin nahi izan zuen.
Harresietatik atera berria zela Kristo bera ikusi omen zuen
gurutzea bizkarrean Erromara sartzen eta harriturik galde
egin zion:
- Jauna, nora zoaz?
- Erromara, gurutzean hil nazaten.
Momentu hartan Pedro ohartu omen zen bere zereginaz eta
adoretsu bere martiritza onartu zuen.
Hil ondotik gertu gelditzen zen eremu batetan ehortzi zuten
Simon Pedro. Mende pare bat beranduago lehenengo
erromatar enperadore krsitauak, Konstantinok, eliza bat
eraikiarazi zuen ustez Pedroren hilobia zegoen lekuan eta
toki hartan, gaur egun, Vatikanoko basilika dago.
Bazenekien…?
“Jauna, nora zoaz?” Pedrok errandako
esaldia latinez “Domine, quo vadis” da.
Tradizioak Pedro eta Kristoren arteko
elkarrizketa kokatzen duen lekuan
“Domine, quo vadis?” elizatxoa dago.
2 San Pedroren heriotza
m 5
Lekaroz BHI Erlijio
Departamendua Egoitz Telletxea Etxepare
Pedro Erroman egon zela zalantzan jartzea nahikoa zaila da. San
Sebastianen katunbetan I mendeko idazki bat dago “Pedroren etxea”
dioena. Damaso I Aita Sainduak III medean katabunba horiek San Pedro
eta San Pabloren etxetzat jotzen ditu. Erromako Klemente Aita Sainduak,
Pedroren bigarren ondorengoak honi buruzko datu zehatzak ematen
dizkigu ziur aski ezagutu zirelako.
Pedroren heriotzaren ondoren Pedro hil zenerako jadanik lehenengo kristau elkartea nahikoa zabalduta
zegoen erromatar inperioan. Erroman ere berak zuzendutako Eliza hura
ezaguna zen eta egonkorra nahiz eta
isilpean eta gorderik bizi behar izan.
Bai, Kristautasuna lehen garai haietan
oraindik judaismoaren sekta bat bezala
ulertzen zuten erromatar agintariek eta bide horretatik anitz
izan ziren modu desberdinetan erailak izan ziren Kristauak,
tartean eta erran dugun bezala Simon Pedro Apostolu eta
lehen Aita Santua.
Pedrok nolabait aurreikusia zeukan bere heriotz krudela eta
ez zuen Kristoren Eliza bururik gabe utzi nahi izan, gidatuko
zuen artzainik gabe. Horrela bada, hil aintzinetik, Erroman
egon zen artean bere laguntzaile fidela izan zen Lino
izendatu zuen bere oinordeko. Modu honetan San Pedroren
heriotzera Lino, Volterrako kristaua, Eliza Katolikoko II. Aita
Santu bihurtu zen.
Linori buruz dakiguna ez da gehiegi. Volterra hirian jaiotako
kristaua zela eta gazterik hasi zela Kristau Elkarte jaioberri
harentzako lanean. Pedro ezagutu zuelarik honek bere
laguntzaile estu izendatu zuen. Antza denez hiru apostolu
ezagutu zituen, baita San Markos eta agian San Lukas ere.
Bera Aita Saindu zelarik hil zituzten azken bi ebanjelista
hauek. Azkenerako Lino berak ere martiritza jasan zuen
beraz bere Aitasantutza 67-76 urteen artean eman zen. Aita
Saindu honi zor diogu, adibidez, gotzainen lehenengo
ordenazio formala eta kulturako lehenengo arauak.
Horrela bada Pedroren ondotik etorri ziren Papa asko eta
askok martiritza jasan behar izan zuten kristautasuna
Konstantino Handia enperadorearekin askea izan zen arte.
Lehen mende hauetan hasi ziren Aita Sainduak Elizari gaur
duen itxura edo antolakuntza ematen. Mezari forma
ematen, diakono, apaiz eta gotzainen ordenazioa
erregulatzen, elizak eta kulturako lekuak eraiki edo
Bazenekien…?
- Aita Santua izendatzeko erabiltzen den
Papa hitzak bere jatorria Petrus
Apostolus Potestatem Accipiens
esaldiaren acrónimoan izan dezakeela
jatorria?
- Benedikto IX. Hiru aldiz izan zela Aita
Santu?
- 263 Aita Sainduetatik 24k ez zuten urte
bete egin Aitasantutzan. 10 berriz hogei
urtetik pasa ziren.
- Historiako Pontifikaturik luzeena Pio IX.
Beatuarena izan zela 31 urte, 7 hilabete
eta 23 egunekin?
- Historiako pontifikaturik motzena
Urbano VII.rena izan zen, 13 egunez izan
zen Papa.
- Bere burua Aitasantu bezala izendatu
duenik ere izan da modu zilegian
aukeratua izan gabe. Hauei Antipapa
deitzen zaie eta 38 izan dira.
- 81 Aitasantu eta Antipapa bat izan
direla santu eginak?
- 212 izan direla italiarrak, 3 espainiarrak
eta 49 bertze lurraldetakoak?
3.San Pedroren hilobia Vatikanoan
m 6
Lekaroz BHI Erlijio
Departamendua Egoitz Telletxea Etxepare
berrerabiltzen, lehen parrokiak sortzen, kardinalak izendatzen… Elizako agintari haiek egindako
lanari eta emandako lekukotasunari esker jarraitzen egun Eliza Katolikoak hasieran zen hartan
izaten, Kristoren Eliza, Kristoren emaztea.
Kristok Pedro bere ordezkari izendatu zuenetik gaur arte 263 gizon izan dira Erromako gotzain.
Aitasantutza historian zehar 2000 urte inguru daramatza Elizak Kristoren mezua bizitzen eta zabaltzen. Debora tarte luze
honetan kontaezinak izan dira gure kristau elkarteak eta bere buruak jasan, gainditu eta
menderatu dituzten oztopo, gatazka, zailtasun eta liskarrak. Jazarpenak, desadostasun politiko
zein doktrinalak, gudak, konkistak, erbesteratzeak, hilketak, barne liskar ikaragarriak… Hala eta
guztiz ere Elizak aurrera darrai. Komeni da gogoratzea Napoleon eta Aita Santuaren arteko
elkarrizketa hura:
- Zure Eliza suntsituko dut.
- Zuk? Gu barruan gaude eta oraindik ez dugu suntsitzea lortu! Ez dut uste zuk lortuko
duzunik.
Nahikoa esanguratsua da erantzuna. Hau horrela izan dela ikusteko, Eliza eta Aitasantutza une
larriak bizi izan arren aurrera egin dutela ikusteko eta zalantzarik gabe guzti honen atzetik
Jainkoaren laguntza daukagula ulertzeko egin dezagun errepaso historiko txiki bat.
Lehenengo mendeak
Kristoren heriotzaren ondoren apostoluek Berri Ona munduan zabaltzeari ekin zioten.
Erromatar Inperio momentu gorenean zegoen eta kristauek hasiera hartan ez zuten batere
harrera onik izan ez erromatarren ez eta judutarren aldetik ere. Horrela bada jazartuak eta
etengabe zigortuak izan ziren. Gordeka eta isilean egiten zuten haien bizitza eta horren
adierazgarri ditu Erroman, esaterako, dauden katakonbak, lurpeko hiriak edota Kapadozia.
Konstatino Enperadoreak Milango ediktoa kaleratzearekin batera baretu ziren gauzak nahiz eta
Elizak boterearekiko nolabaiteko menpekotasun batetara lotu izan zen.
Erdi aroa
Gregorio Handia eta Bonifazio VIII. Artean dauden 7 mendeak sartuko genituzke historia zati
luze honetan. Hasieran Elizak Erromatar Inperioaren kontroletik aldendu nahiko du. Gregorio
Handia dugu asmo honetan aritutako Aita Santuaren irudia. Modu berean Inperioa barbaroek
erasotua izaten ari zen eta Elizak ere hori pairatu behar
izan zuen errege barbaroekin abilezia diplomatiko
trebeak erakutsiz.
Garai honek ere Islama jaiotzen ikusiko du eta laster
hasiko dira erlijio berria eta Kristautasunaren arteko
liskarrak gurutzadak tarteko direla. Ezin ahantzi
momentu honetan ere ematen dela mendebaldeko eta
ekialdeko Elizen arteko banaketa. Kristautasuna, Inperioa
bezala, bitan banatuko Historiako lehehngo zisma
handiari hasiera emanez.
4. Leon I. eta Atila. Algardiren lana Vatikanoan
m 7
Lekaroz BHI Erlijio
Departamendua Egoitz Telletxea Etxepare
Denbora tarte honek ere
Avignongo Aitasantutzaren
garaia ekarriko. Aita Santuek
Erroma utzi eta Frantziara egingo
dute salto, han Avignongo
jauregi-gazteluan ezarriz haien
gortea eta kristautasunaren
bihotza. Erromako gotzaina
Frantzian egoteak arazo itzelak
ekarriko dizkio Elizari. Puntu hau
hasieratzat harturik arazoak etengabe korapilatuko dira eta momentu batean Eliza Katolikoak
hiru Aita Saindu izango ditu aldi berean boterean, bata Avignonen, bestea Erroman eta bertzea
Pisan. Mendebaldeko zisma deituko zaio honi.
Erdi-aroak, bestalde, gauza positiboak ere biziko ditu. Aita Santuek begi onez ikusiko dute
ordena erlijioso mendikanteen sorrera eta hauek zenbait herejiarekin bukatzeko egingo duten
lana. Frantziskotarrak eta Domingotarrak garai honetakoak dira.
Aro modernoa
Mendebaldeko zisma jada konpondurik zegola bertze kolpe handi bat
jasango dut Eliza Katolikoak: Erreforma protestantea. Lutero fraide
agustindarraren proposamenek eta hainbat baldintzamendu politikok
Elizan haustura larria eragingo dute. Egoerari aurre egiteko Trentoko
kontzilioa deitu zen eta Kontra-errefoma edo erreforma katolikoari
eman zitzaion hasiera. Doktrina garbi utzi, elizgizonen formakuntza
bermatu eta Elizaren barne akatsak zuzentzeari ekin zitzaion.
Garai honetan ere sortzen dira Elizako ordena eta Santurik
handienetako batzuk. Jesuitak, Teatinoak, Kaputxinoak, Pauldarrak…
erreforma katolikoaren izpirituz beterik Elizaren bizimodu berria
markatuko dutenak izanen dira. Bestalde aro berekoak ditugu Xabierko
Frantzisko, Loiolako Iñazio, Avilako Juan eta Teresa, San Felipe Neri,
Karlos Borromeo…
Vatikanoko aparteko obrari orain emanen zaio hasiera. Artearentzat
aro oparoa, Erroma, Aita Santuen laguntzapean munduko kulturaren
hiriburu bilakatuko da eta bertara bilduko dira Miguel Angel, Rafael,
Bramante bezalako artistak lehehnik eta Bernini,
Algardi, Pietro da Cortona… bezalakoak ondoren.
Erreforma honen izaeraren adierazgarri den Aita
Santuren bat aipatzekotan Pio V.rena da hori.
5. Avignongo jauregia
6. Trentoko kontzilioa
m 8
Lekaroz BHI Erlijio
Departamendua Egoitz Telletxea Etxepare
Zientziaren aurrerapenek eta sistema ekonomiko,
politiko zein ideologikoek eragin nabarmena izan zuten gizartean
eta honek Eliza ikusteko izan zuen moduan ere.
Garai honetan azpimarragarriena Frantziako Iraultza dugu,
zalantzarik gabe eta hau bultzatu zuten printzipio eta ideien
zabaltzea.
Antiklerikalismoa gauza nabarmena izanen da eta zenbait
Aitasantuk kartzela pairatu beharko dute baita bertan hil ere, Pio
VI.ren kasuan bezala. Frantzian
kristauak, batez ere apaiz eta
erlijiosoak gogorki jazartuak izanen
dira.
XIX.mendean elizak irmoki kondenatuko ditu jaioz joanen
diren hainbat korronte politiko, filosofiko eta teologiko,
esaterako hain zabaldua eta egonkortua egonen den
Liberalismoa, zientzia positiboan zientzia sutsua egiten
positibismoa edo Elizaren barruan sortuko den korronte
heretiko berria, modernismoa.
Mende honetan ere Elizak desafio eta pastoraltza esparru
berriei ekin beharko dio eta momentu honetatik aintzinera
Elizaren doktrina soziala landua izaten hasiko da.
Bi Aita Santu izanen dira, bereziki eta motibo desberdinengatik, garai honetan nabarmenak.
Kartzelan hil zen Pio VI. eta Kontzlio Vatikano I. deitu zuen Pio IX.
XX-XXI.mendeak
XIX. mendetik zetozen arazoei, liberalismoaren kontrako borroka eta modernismoari aurre
egiten jarraituko du Elizak. Leon XIII.rekin hasieran eta batez ere PioX.rekin gero.
Historiako bi gerraterik handienen garaia izanen da hau. Benedikto XV. egin ahalak egin zituen
I.mundu gerra geldiaraztearren baina antzua izan zen bere lana. Larriagoa izan zen II.mundu
gerran Elizak jasan behar izan zuen trantzea. Katolikoak jazartuak izaten hasi ziren eta era
berean Elizak judutarren aldeko lan itzela
gauzatu zuen milaka eta milaka judutar
monastegi, komentu eta elizetan gordez. Pio
XII. Aita Saindua Eliza oso momentu latzetan
atera behar izan zuen aurrera eta jakina da
Hitlerrek Pio Aita Santua bahitzeko asmo oso
zeukala. Garaia nahasi hauen inguruan
oraindik asko dago argitzeko.
Bestalde XX.mendeko eliz gertakizun
handiena Vatikanoko II.kontzilioa dugu. Juan
XXIII. Aita Santu bakezaleak eman zion
Ilustraziotik
XIX.mendera
7. PioVI
8. Pio IX
9. XX.mendeko Aita Santuak
m 9
Lekaroz BHI Erlijio
Departamendua Egoitz Telletxea Etxepare
hasiera eta Paulo VI akitu zuen. Bi Aita Saindu
handi hauen lanak Elizaren “eguneratzea” ekarri
zuen eta denbora berriei aurre egiteko modu berri
bati hasiera ematea.
Joan Paulo I. 33 eguneko agintaldiaren ondotik
Joan Paulo II. Handia iritsi zen. Gazteekin
“Konektatzeko” zeukan aparteko gaitasunak,
edozein sistema totalitarioren kontra borroka
egiteko zeukan konbentzimendu eta asmoak eta
bere proposamen sozial zein izpiritualek Eliza eta
mundua aldatu zuten. Inor ez bezala bidaiatu zuen
Kristoren Ebanjelioa mundu guztian barrena
zabalduz.
2005 apirilean Benedikto XVI. hartu zuen lekukoa.
XX.mendeko bururik argienetako bat da gaur egun
Elizaren gidari eta gutxika gutxika tradizioa eta
modernitatea uztartzen dituen bidea irekiz doa.
Kontzilio Vatikano II.
Vatikanoko II. kontzilio ekumenikoa Vatikano Hirian
egindako Eliza Katoliko Erromatarraren kontzilio edo
batzar multzoa izan zen, Eliza eguneratzeko asmoz
sortua. Joan XXIII.a Aita Santuak deitu zuen 1962an,
baina handik urte betera hil zenez, bere ondorengo
Paulo VI.ak gidatu zuen 1965ean amaitu zen arte.
Guztira lau batzar multzo egin ziren, 1962tik 1965era
udazkenero.
Elizaren historiako kontziliorik handiena izan zen,
mundu guztiko herrialde eta kultura gehienetako
ordezkariak batu baitziren bertan. Gainera, Eliza
Katolikotik kanpoko beste talde kristauek ere beraien
begiraleak bidali zituzten.
2450 gotzainek parte hartu zuten bertan historiako
kontzlio handiena bihurtuz horrela. Txinatar komunistek
200 bat gotzainei parte hartzea galarazi zieten.
Historiko kontziliorik unibertsalena izan zen, lehen aldiz
Afrika eta Asiako gotzainak aritu baitziren bertan
lanean.
m 10
Lekaroz BHI Erlijio
Departamendua Egoitz Telletxea Etxepare
Aita Santua, erraten ari garen gisan, Elizako
burua eta agintari nagusia denez bertan botere
guztia dauka. Bestalde estatuburua ere badenez
Vatikanoko herrialdea ere bere eskuetan dago.
Horrela bada Pedroren ondorengoaren
eskumenak eta botereak bi multzotan banatu
genitzake: Elizan daukan boterea eta botere
politikoa.
Elizako buru bezala dauzakna eskumenak
- Kardinalak sortu eta postu
desberdinetarako izendatu
- Munduko gotzain guztiak izendatu
- Apaiz zein laikoei nahi hainbat distintzio
edo ohorezko postu eman
- Eskumikuak ezarri edo kendu
- Eliza zuzentzen duen araudia aldatu, arau
berriak sortu…
- Santuak eta Beatuak izendatu eta
kanonizazio prozesuei hasiera eman
- Entziklikak idatzi eta kaleratu
- Kontzilioak deitu
- Ex catedra, edo bere postuan bermaturik
erraten duen guztia akats gabea izatea, hau da
perfektua eta kontraesan ezina.
- Dogmak deklaratzea.
- Finean Eliza katolikoaren barruan botere
osoa dauka.
Estatuburu bezala dauzkan eskumenak
- Vatikanoko agintari gorena
- Edozein herrialdeetan Estatuburu bezala
hartua izatea
- Bertze herrialdeekin akordioak sinatzea
eta harremanak ezartzea
- Enbaxadoreak edo nuntzioak izendatzea
- Immunitate diplomatikoa
Aita Santuaren
eskumenak eta tituluak
Vatikanoa
Vatikano Hiria -Egoitza Santua ere deitua- munduko
estaturik txikiena da (0,44 km²), Eliza Katolikoaren
hiriburu eta egoitza nagusia. Erromako hiriaren barnean
dago. Estatu-burua Aita Santua da eta aginte sistema
Monarkia eklesiastikoa da. Mila biztanle izanik,
munduan jende gutxien duen estatua da.
Pio XI. Musolinirekin egindako Letrango hitzarmenei
garai batetan erromako Vatikano Muinoa zena lurralde
independiente bihurtu eta harekin batera Erroman
barnea dauden San Juan Letrangoa, Santa Maria
Nagusia eta San Pablo Extramuros.
Gorputz diplomatiko zabala dauka mundu osoan
banatua eta enbaxadoreei nuntzio deitzen zaie
normalean gotzain edo artzapezpikuak izaten direlarik.
Polizia eta ejertzito propioa dauzka: Vatikanoko
jendarmeria eta guardia suitzarra. Posta sistema,
bankua eta euro propioak ere badauzka.
Komunikabideen aldetik telebista, irratia,
hedabieentzako gabinetea eta egunkaria ere baditu
aken hau oso ezaguna delarik “osservatore romano”.
Hizkuntza ofiziala latina eta bertan kutxaren batetik
dirua atera nahi izanezkero pantaila latinez agertzen da.
Balio artistiko eta kultural ikaragarria dauka bai bere
eraikuntza, museo zein historiarengatik. Musika, kultura
klasikoa, arkeologia etb azetrtu eta sustatzen dituzten
hainbat erakunde dauzka.
Vatikonoko planoa
m 11
Lekaroz BHI Erlijio
Departamendua Egoitz Telletxea Etxepare
Tituluak
Mendeen joanean berez zeuzkan tituluei bertze hainbat gehitu dizkie Aita Santuak. Honako
hauek dira Aita Santuaren tituluak:
- Papa
o Petrus Apostoli Postestatem Accipiens: Pedro Apostoluaren boterearen
oinordekoa bezala itzuli daiteke.
- Bere Santutasuna
o Tratamentu mota bat da, Erregeari gorentasun edo maiestate esaten zaion
bezala.
- Erromako gotzain eta Artzapezpiku
o Erroma Erromako eliz probintziako hiriburua da eta eliz probintzietako
hiriburuetako gotzaina beti artzapezpikuak dira.
- Pontifex maximus
o Erromatar enperadoreen garaitik datorren titulua da, gazteleraz sumo
pontífice esaten zaio. Zubiegile gorena bezala itzuliko genuke.
- Kristoren bikario
o Honek zuzen zuzenean esan nahi duena Aita Santua Kirstoren ordezkaria
zuzena dela da.
- Apostoluen printzearen oinordeko
o A.S San Pedroren oinordekoa dela adierazten du.
- Jainkoaren zerbitzarien zerbitzaria
o Servus servorun Dei. Honela sinatzen dituzte Aita Santuek haien entziklikak.
- Ekialdeko Patriarka
o Gregorio Haundiak jarri zion titulu hau bere buruari. Benedikto XVI. uko egin
zion ohore honi.
- Italiako primatua
o Gotzain batzordeak existitu baino lehen herrialde bakoitzean Elizbarrutiko
jakin batetako gotzaina zen herrialde hartako gotzain guztien buru eta kasu
honetan Erromako gotzaina Italiako gotzain guztien burua zen. Espainian
Toledokoa primatua, Polonian Varsoviakoa, Portugalen Lisboakoa…
- Eliza katolikoaren buru
o Ezaguna da titulu honen zergatia.
- Vatikano Estatuko subirano
o Estatu horretako ahalguztiduna delako.
10. Ezkerretik eskuinera: Gregorio XVI, Leon XIII, Leon XII, Pio XII eta Paulo VI
m 12
Lekaroz BHI Erlijio
Departamendua Egoitz Telletxea Etxepare
Aita Santuaren ezaugarriak
Badira itxura aldetik edo janzkeran Aita Santuak soilik erabili eta eraman ditzakeen zenbait
elementu historian zehar forman, itxura eta funtzioan aldaketak jasan dituztena baina oraindik
ere dirautenak. Ikusi ditzagun.
Hauek bezala
Aita Santuak
bere-bereak
zituen bertze
hainbat jantzi
eta apaingarri
zeuzkan, denak
ere zentzu
batekin, esate
baterako:
Fanoia,
Kirotekak,
mantua, estola
pontifizioa…
gehienak
Vatikano II.
ondotik
desagertuak.
Arrantzalearen eraztuna
Pedroren oinordekotzaren erakusgarria
da. Eraztunean arrantzale bat ageri da
txalupa batetan. Aita Santu bakoitzak
berea darama eta hau hiltzen denean
eraztuna suntsitu egiten da. Lehen
agiriak sinatzeko edo argizariz
xeilatzako erabiltzen zen.
Ferula
Aita Santuak erabiltzen duen gurutze
formako bakulua da. Lehen oso
momentu konkretutan erabiltzen zen
arren Paulo VI. eta Joan Paulo II. oso
maiz erabiltzen hasi ziren ohiko gauza
bihurtuz. Ferula asko daude Paulo
VI.rena da ezagunena.
Solideo txuria
Solideoa gotzain guztiek
daramaten txapel txikia da. Aita
Santuak, bere arropa guztia
bezala, txuria darama. Soilik
Jainkoaren aurrean kentzen du:
Mezan edo Santisimoaren
aurrean.
Tiara
Hiru koroaz osatutako mitra berezia,
soilik Aita Santuak erabili dezakeena.
Paulo VI erabiltzeari utzi zion eta Joan
Paulo I. ez zuen honekin koroatu nahi
izan eta mitra arrunt batekin “koroatu
zuten”. Ez da erabiltzen.
Palioa
Santa Ines egunean bedeinkatutako
bildotsen artilez egindako bufanda
modukoa da. Artzapezpiku guztiek
daramate. Hau janzten diotenean da
Aita Santu berria Aita Santu.
m 13
Lekaroz BHI Erlijio
Departamendua Egoitz Telletxea Etxepare
Bazenekien…?
Aita Santua dagoen lekura
solideo zuri bat eramanez gero
eta bere idazkaria edo guardiaren
bati entregatuta Aita Santuari
jarri eta honek zeukana zuri
ematen dizutela?
Garai batetan Aita Santuen janzkera eta erabiltzen zituen hainbat objektu benetan ikusgarriak
ziren. Paulo VI.rekin eta batez ere Joan Pablo II.rekin guzti hau xumetzen joan da eta gaur
gotzain bat eta Aita Santua ia berdin janzten dira meza ospatzeko
orduan.
Bada ordea bertze berezitasun bat: Aita Santua zuriz
janzten da. Berez kleroaren mailaketan koloreak
adierazgarriak dira, esaterako apaizen janzkera berezkoa
beltza da, gotzainena morea, kardinalena gorria eta Aita
Santuarena zuria. Baina ez zen beti horrela izan, izan ere
pontifizearen arropa zuriak 500 urteko historia bertzerik
ez baitu. San Pio V izan zen zuriz jantzi zen lehen Papa
eta horrela egin zuen bera domingotar ordenakoa
zelako eta ordena honen abitua zuria delako. Hortik
aurrera moda moduko bat sortu zen eta gaur
eguneraino iritsi zaigu ohitura hori.
Aulki gestatorioa
Aita Santua alde batetik bestera eramateko
erabiltzen zen aulkia zen. Sedario izenenko
gizon batzuek bizkarrean hartzen zuten
plataforma gainean finkatuta zegoen aulkia
eta Aita Saindua bertan zegoelarik jende
artetik ibiltzen ziren. Joan Paulo I izan zen
hau erabili zuen azkena.
Ezkutu pontifizioa
Erdi Arotik datorren ohitura da gotzain guztiek haien ezkutu edo halako
armarri propioa izatea. Nola ez, Aita Santua gotzain ere baden aldetik bere
ezkutua ere badauka. Erromako gotzainen ezkutua Aitasantutza eta
Vatikanoaren ikur diren Zilarrezko eta urrezko giltzen gainean marraztua
agertzen da beti, gaineko aldean tiara bat eramaten duelarik.
Ezkutu hauek Aita Santu batek egiten dituen lan, monumentu neta oroigarri
guztietan agertzen da, nolabait zigilu pertsonala balitz bezala. Horrexegatik
Erroma guztia Aita Santu desberdinen ezkutuekin dago apaindurik, haiek
egindako jendeak gogoan har dezan.
11. San PioV
Joan Paulo II. ezkutua
Joan Paulo I. Aulki gestatorioan
m 14
Lekaroz BHI Erlijio
Departamendua Egoitz Telletxea Etxepare
Nola aukeratzen da Aita Santua?
Aulki hutsa
Gotzain guztiek haien sedea edo
catedra daukate, bakoitzak bere
katedralean. Aulki honek,
nolabait, autoritatea, boterea eta
erakusteko eskubide adierazten
du. Sede batetako gotzaina
hiltzen denean sede hori hutsik
gelditzen da. Kasu honetan Aita
Saindua hiltzen delarik Erromako
gotzainaren sedea hutsik
gelditzeaz gain Elizaren sede edo
aulki nagusia ere hutsi gelditzen
da. Vatikanoko eskudoak hildako
Aita Santuaren ezkutua kendu eta
kamarlengoarena jartzen du
“sombrilla” moduko batekin sede
vacante adieraziz:
Aurreko Aita Santuaren heriotza
Aita Santu bat hiltzen denean Vatikanoan ikaragarrizko protokoloa jartzen da martxan. Elizaren
burua eta Vatikanoko agintaria hil denez berria nor den erabi artean
norbaitek gobernatu behar du dena eta norbait hori Camarlengo
deritzon kardinal bat da, aurretik hil berriak izendatu duena.
Camarlengo honek Aita Santu berri bat iritsi arte bere esku dauka
Elizaren agintea, botere mugatua daukan arren.
Horrela bada Kardinal berezi honek daukan lehenengo zeregina Aita
Santua hil berria benetan hilda dagoela egiaztatzea da eta horretarako
hiru pauso ematen ditu. Lehenik eta behin zapi txuri bat jartzen du
hildakoaren aurpegi gainean, ea honek arnasten duen ikusteko. Ondotik
zilarrezko mailu txiki batekin buruan kolpatzen du hiru aldiz ea zenduak
erreakzionatzen ote duen frogatzeko. Eta hirugarrengoz, ohe ondoan
jarrita belarrira gerturaturik hiru aldiz bere
bataio izenez deitzen du hildako Aita Santua
alditik aldira hiru minutu utziz. Papa hilda
dagoela ikusirik bertze kardinalengana joan
eta erraten die: Vere Papa mortuus est!
Hau eginda segituan hildakoari arrantzalearen
eraztuna kendu eta lehendik erabilitako mailua harturik eraztuna
suntsitzen du, honekin Aita Santu horren boterearen amaiera
adieraziz. Jarraian zendutakoa gelatik atera eta Aita Santuaren etxea
itxi eta seilatzen du pontifize berria iristen den arte. Behin guzti hau
egin duelarik mundu osoari jakinarazten dio gertatutakoa. Momentu
honetan hasten da sede vacante edo aulki hutsa deitzen den
momentua.
Jauregi pontifizioko brontzeko atea itxi egiten da, hil ezkilak jotzen
dira. Hildakoari arropa aldatu eta Aita Santuaren jantziak janzten
zaizkio biharamunetik hasita eta hiru egiunez jende aurrean gorpua
erakusteko.
Epe hori pasata Hileta elizkizuna ospatzen da eta hiru hilkutxetan
sartu ondotik zendutako Aita Santua lurperatu egiten da Vatikano
azpian dagoen kriptan. 9 egunez hileta mezak ospatzen dira.
Hildakoaren
heriotza
egunetik
gehienez 20
pasa behar dira
Kardinalen
buruak
munduko
12Kamarlengoa PioXI heriotza egiaztatzen
13. Martinez Somalo Kamarlengoa Joan Paulo II.ren aurrean
m 15
Lekaroz BHI Erlijio
Departamendua Egoitz Telletxea Etxepare
kardinal guztiak Conclvavera deitzeko eta Pedroren ondorengo berria aukeratzeko.
Konklabea: Aita Santu berria aukeratzen
Esan bezala, ezin dira 20 egun baino gehiago pasa aurreko pontifizea hil eta konklabea
(giltzapean esan nahi du) hasi artean. Honi kasu eginik kardinalen buruak (dekanoak)munduko
kardinal guztiak deitzen ditu Erromara Pedroren oinordeko berria izango dena nor izango den
erabakiko duen bilera handi horretan parte hartzeko.
Konklabeko partaide izateko bi baldintza bete behar dira kardinala izatea eta 80 urtetik behera
edukitzea konklabea hasten den momentuan.
Bilkura honi hasiera emateko pro eligendo pontifice deritzon meza ospatzen da eta prozesioan
denak sixtotar kaperan sartzen dira. Behin fildeltasun zina egin dutenean kardinal ez den
pertsona orok sixtotar kapera uzten du. Hau adierazteko Extra omnes (denak kanpora) esaldia
erabiltzen da.
Kardinalak bakarrik gelditu direlarik botaketak martxan jartzen dira. Ezin dute haien burua
bozkatu eta papertxoetan jartzen duten izena letra deformatuz idatzi behar dute inork,
letraren bidez, botua
norena den jakin ez
dezan hau erabat
sekretua baita.
Aurretik aukeratuak
izan diren hiru
kardinalek botuen
kontaketa egiten dute.
Inork ez baditu bozken
2 herenak lortzen
paper guztiak bildu eta
sura botatzen dira
honek sortzen duen ke
beltza delarik jendeari
Aita Santu berririk
aukeratu ez denaren
berri ematen diona
(fumata negra). Egunean soilik 2 botazio egin daitezte: bata goizean eta bestea arratsaldean.
Aipatu beharra dago konklabeak dirauen artean kardinalak ezin direla inongo aitzakiapean
Vatikanotik atera, ez eta telebistarik ikusi, internetik, erabili, irratirik entzun, egunkaririk
irakurri eta kanpoaldearekin komunikatu. Lehen kardinal guztiak Jauregi pontifizioko
pasilloetan gelditzen ziren lotan ezin baitziren bertatik atera. Joan Paulo II Santa Marta
erresidentzian lo egiteko baimena idatzita utzi zuen eta beraz jauregitik ateratzeko baimena
eman.
Botaketan kardinalen batek botuen bi herenak lortuko balitu kontaketa lanetan ari direnak
zuzenean erranen diote irabazleari bera dela Aita Santu berria. Lehen, kardinalak gutxiago
14. Joan Paulo II. hil ondotik egin zen konklabearen hasiera
m 16
Lekaroz BHI Erlijio
Departamendua Egoitz Telletxea Etxepare
Bazenekien…?
Aita Santu izateko, berez, nahikoa
dela gizonezkoa eta bataiatua
izatearekin? Edozein gizonezko
katoliko izan daiteke Aita Santu
Apez, gotzain eta kardinal izateko
beharrik gabe. Nozibait halako
kasurik emango balitz
hautatutakoa Erromara deitu eta
diakono, apazi eta gotzain
ordenatuko lukete.
Kardinal izan gabe aukeratu
zuten azken Aita Saindua
Gregorio XVI. Izan zen gotzain
zelarik.
zirenean gizon bakoitza sonbrilla gisako baten azpian
jartzen zen eta irabazle suertatzen zenak bera Aita Santu
berria zela jakiten zuen sombrilla guztiak ixten zirelako
berea kenduta. Boto guztiak hartu, hauts zuri batekin
nahasi eta erre egiten ditzute. Su honek sortzen duen ke
txuria (fumata blanca), San Pedro Basilikako ezkil
jotzearekin batera Elizak berriro ere gidari bat daukala
aldarrikatzen zaio munduari.
Aukeratuari lehenik eta behin ea onartzen ote duen
galdetzen zaio eta honek baiezkoa erantzuten badu Aita Santu bezala zein izen izan nahi duen.
Izena aukeratua delarik malkoen gela deritzon gelatxo batera joan eta han txuriz janzten da.
Gelatxotik aterata Sixtotar kapera erdian jartzen da eserita eta han kardinal guztiek, banaka,
obedientzia zin egiten diote.
Ondotik, konklabean parte hartu duten guztiak San Pedro basilikako
fatxadaren balkoietan jartzen dira eta erdiko balkoi edo logiara
kardinal diakonoen (bertze gai batetan ikusiko dugu kardinalen
banaketa) burua azaltzen da munduari honako formula hau
aldarrikatuz (adibide bezala Benedikto XVI. Aukeratu zutenekoa
erabiliko dugu):
Anuntio vobis gaudium magnum, Avemus Papam!
Emminentisimun ac reverendisimum dominum, dominum
Josephum, sancte ecclesiae romanae cardinalem Ratzinger! Qui sibi
nomen impossuit Benedicti XVI
(Poz handi bat iragartzen dizuet, badaukagu Aita Santua! Hain
gorena eta ohoragarria den jauna, Jose jauna, Eliza santu
kotalikoako Ratzinger Kardinala! Zeinak Benedikto XVI. Izena
hautatu duen.)
Segituan Aita Santu berria agertzen da balkoian eta jendea
agurtzeko
hitz batzuk
erran
ondotik Urbi et orbi (hiria eta mundua,
hau da, Erromako hiria eta mundu
guztia) bedeinkazioa botatzen du.
Aste betera Erromako apezpiku
berriaren agintaldiari hasiera ematen
zaio meza handi batekin. Lehen
koroatze meza deitzen zitzaion. Meza
horretan Aita Santu berriari tiara jartzen
zitzaion eta horrek pontifikatu berriaren
15 Benedikto XVI. aukeratu zuten egunean Urbi eta Orbi bedeinkapena ematen
m 17
Lekaroz BHI Erlijio
Departamendua Egoitz Telletxea Etxepare
Bukatuz…
hasiera adierazten zuen.
Orrialde hauetan zehar Aitasantutzari buruz zerbait ikasiko zenuela espero dugu. 2000 urteko
historia ezin da orrialde gutxi batzuetan bildu, ez eta erakunde honen inguruan mugitzen den
guztia. Vatikanoa, Kardinalak… guzti honen azalpen egoki bat bertze gai batzuetan emango
dugu.
Aita Santutza gure fedearentzat funtsezkoa eta oinarrizkoa da. Historia zehar egon diren 200tik
gorako Aita Santu horien artean denetarik izan da, onak, oso onak, txarrak eta okerragoak
baina denak komunean zeukatena zera da: Jainkoaren zerbitzari izan direla eta haien lana eta
zeregina Jainkoak bakarrik epaitu dezakeela.
Akitzeko ideia batekin gelditzea nahi genuke: Aita Santua Kristoren benetako Elizaren benetako
burua da. Aita Santuaren aginduetatik, hainbat Papak erakutsi duten gauzetatik kanpo ez dago
Elizarik, ez dago Kristorenganako benetako federik. Katoliko izateak Aita Santua maitatzea eta
defendatzea dakar.
m 18
Lekaroz BHI Erlijio
Departamendua Egoitz Telletxea Etxepare
Eranskina Mitoak eta errealitatea
Papisa Juana
Joana “Aitasantusaren” kondaira berriz moda jarri da. Azken
urteetan jadanik bi filme egin dira kondaira honi sona
emanez.
Istorio honek dioenaren arabera Joana monje baten alaba
zen eta bere aitak garai hartan emakumeek jaso ezin
zezaketen hezkuntza eta kultura eman zizkion modu honetan
Joana neska jakintsu eta jantzia bihurtuz. Ikasketetan aurrera
egin nahi eta gizonez mozorrotu beharrean aurkitu zen.
Teologia alorrean oso jakintsua izaki Elizaren barruan postuak
igoz joan zen konklabe batetan Aita Santu bezala aukeratua
izan zen arte. Pedroren ordezko bezala Joan VIII. Izena jarri
omen zion bere buruari.
Jadanik Erromako gotzain kardinal batekin harreman
sexualak izan eta haurdun gelditurik meza ospatzen ari zela
erditu omen zuen.
Kondairak bertsio asko ditu baina zabalduenak dio erditu ondotik Aitasantutzari uko egin egin
eta monastegi batera erretiratu zela eta han eman zituela hil arterainoko bere urteak.
Mito honek erdi-aroan dauka oinarria eta bere booma Erreforma garaian izan zuen Luteranoak
Elizaren fama zikindu nahien zabaldu zutelako. Azken mendeetan noizean noiz eta ointeres
konkretuen arabera, modan jarri izan da.
Joan VIII. Aita santua existitu egin zen eta gizonezkoa zen. Papisa Joanaren kondairak ez dauka
funts historikorik eta historialariek ere onartezintzat jotzen dute.
Kontzilio “cadaverico”a
Formoso Aita Santuari egindako epaiketa bat izan zen. Formosok 6 hilabete zeramatzan
lurperaturik eta bere ondorengoa zen Esteban VI. lurpetik gorputza atera, Aita Santuz jantzi,
eta juzio bat egin zion. Errudun topatu zuen Estebanek bere aurreko Aita Santua eta bere
gorputza Tiber ibaira jaurti zuen.
Formoso Aita Santuaren hondakinak Tiber ibaitik
atera zituzten Erromako biztanleek. Gaur egun
Vatikanoan lurperaturik dago.
m 19
Lekaroz BHI Erlijio
Departamendua Egoitz Telletxea Etxepare
Ariketak_____________________ 1. Hasieran Jesusek San Pedro bere ordezkari nola izendatzen duen ikusi dugu. Ez da hori Biblian Aitasantutza
justifikatzen duen pasarte bakarra. Itun Zahar zein Itun Berrian Aitasantutzari erreferentzia egiten dioten
testuak dauzkagu. Ondoko koadroan ematen zaizkizun pasarteak bilatu eta ondoan jarri pasarte haietan
non azpimarratzen den Aitasantutzaren balioa:
Esaldia
Mt 16,15-19
Isaias 22,22
Lk 5,3
Lk 22,31-32
Jn 21,15-17
2. Erantzun ondoko galdera hauei unitatean irakurri duzuna erabiliz:
Nor da Aita
Santua?
Norengan dauka
oinarria
Aitasantutzak?
3. Talde lana:
a. Aitasantutzat historian zehar momento zailak bizi izan ditu. Bilatu ezazu pasarte hauei buruzko
informazioa eta klasekideen aurrean azaldu:
i. San Leon I eta Atila
ii. Mendebaldeko zisma.
iii. Napoleon eta PioVIb.
b. XIX.mede bukaera eta XX.mmende osoa garai konplexuak izan dira Elizarentzat. Ondotik ematen
zaizun zerrendatik izen bat hartu, informazioa bilatu eta klasekideen aurrean aurkezpen bat egin
(hitzez, power point baten bidez, hormairudi baten bidez…).
Pio IX Pio XII
Leon XIII Joan XXIII
PioX Paulo VI
Bendicto XV Joan Paulo I
Pio XI Joan Paulo II
m 20
Lekaroz BHI Erlijio
Departamendua Egoitz Telletxea Etxepare
Jarduerak_____________________ 1. Aita Santuaren irudiarekin estu-estu lotuta dauden lekuak ezagutu nahi? Ondoko loturaren bidez
Vatikanoko leku ederrenak ezagutuko dituzu bertan egongo bazina bezala. Hemendik visita ditzakezu:
c. San Pedro basilika
d. Letrango San Joan edo Erromako katedrala
e. San Pablo Extramuros (San Pauloren hilobia)
f. San Maria Nagusia (Erromako patriaren basilika)
g. Redemptoris Mater kapera (Kardinalek 2000. Urtean Joan Paulo II.ri oparitutako kapera modernoa)
h. Scavi vaticani: Vatikano azpian dauden indusketak
Guzti hau hementxe: http://www.vatican.va/various/basiliche/index_sp.html
2. Aita Santu baten gora beherak, aukeraketa, ekintza diplomatikoak, Elizaren gobernua… nola diren ikusteko
filme hau ezin hobeto legoke:
a. Juan XXIII, el Papa de la paz. GloriaTv, web orrialdearen bidez ikusi dezakezu.