CartafueyuLA PLAZA DEL DIAMANTEavilescultura.com/recursos/doc/2014/ArtesEscenicas/Teatro/9885... ·...
8
____________________________________________________________________________________
Transcript of CartafueyuLA PLAZA DEL DIAMANTEavilescultura.com/recursos/doc/2014/ArtesEscenicas/Teatro/9885... ·...
____________________________________________________________________________________
LA PLAZA DEL DIAMANTE, de Mercè Rodoreda
_____________________________________________________________________________________
La plaza del Diamante, de Mercé Rodoreda, desarróllase na posguerra. Cuenta
la historia de Natalia, “La Colometa”, una moza güérfana de madre, que se siente perdida nel mundu y que ve cómo desapaecen y muerren les persones a les que quier. Va pasar fame y miseria y munches veces nun va ser quien a sacar p’alantre a los fíos. La novela ye una crónica fiel de la Barcelona posguerra y de cómo quedó marcada la xente que vivía ellí nesi tiempu. La plaza del diamante ta considerada como la novela más importante de la narrativa catalana de posguerra. Tuvo munchu ésitu dempués de la publicación en Barcelona en 1962 y tornóse a 27 llingües.
Lolita Flores ye “La Colometa” y interpreta cola so fuerza carauterística nel
escenariu, esti duru monólogu interior, costumista y desgarrador. Dempués de 39 años de xubir la primer vez a un escenariu, l’actriz y cantante asume’l retu d’un monólogu teatral, enforma visual y poéticu. Lolita promete emocionanos más que nunca y “con otru aire”. La plaza del diamante, un monólogu dirixíu por Juan Ollé y interpretáu por Lolita Flores, dirá per España en 2015.
- - - -
BITÒ PRODUCCIONS Distribución: Elena Blanco Telf. 93 241 82 88 - 667 46 62 79 / [email protected]
LA PLAZA DEL DIAMANTE, de Mercè Rodoreda
_____________________________________________________________________________________
Mercè Rodoreda ta considerada una de les
escritores de llingua catalana más influyente de la so época y la so obra comparóse, delles veces, pol estilu y la manera de describir, cola de Virginia Woolf. En morriendo l’autora, Gabriel García Márquez dixo de La plaza del diamantes: “Ye, según la mio opinión, la novela más guapa que s’escribiere n’España dende la Guerra Civil”. El Premiu Nobel de Lliteratura tamién definía a Rodoreda como “esa muyer invisible qu’escribía nun catalán maravillosu unaes noveles precioses y dures como poques nes lletres d’anguaño”. La escritora falaba asina de la so novela nuna carta que-y mandó al mesmu Joan Ollé: “El mio amigu Baltasar Porcel, magar que diz coses bones de la obra, opinó que colometa yera un poco fata. Esta afirmación, que se llanza al tuntún, nun ye verdá. Ver el mundu colos güeyos d’un neñu, ye quedar plasmáu por too, nun ye ser fatu, sinón tolo contrario; amás, Colometa fai tolo que tien que facer dientro de la so situación na vida. Y facer lo qu’hai de facer y sólo eso, demuestra un talentu natural dignu de tolos respetos. (…) Colometa sólo se paez a min en que se siente perdida en mediu’l mundu”. Mercè Rodoreda, 1982.
- - - -
BITÒ PRODUCCIONS Distribución: Elena Blanco Telf. 93 241 82 88 - 667 46 62 79 / [email protected]
LA PLAZA DEL DIAMANTE, de Mercè Rodoreda
_____________________________________________________________________________________
Direición de Joan Ollé Con Lolita Flores Adautación, Carles Guillén y Joan Ollé Traducción al castellán, Celina Alegre y Pere Rovira Lluz, Lionel Spycher Vestuariu, Ana López Música orixinal, Pascal Comelade Ayudante de direición, Irma Correa Producción Teatru ESPAÑOL
Distribución
Elena Blanco Telf. 93 241 82 88
[email protected] www.bitoproduccions.com
LA PLAZA DEL DIAMANTE, de Mercè Rodoreda
_____________________________________________________________________________________
LA PRENSA DIXO
ABC, 2/10/14 Juan Ignacio García Garzón "Una vida, una ciudá, una época" … “ El Teatru Español acueye un montaxe primorosu, sele, tresparente y fonda, dirixíu con una precisión sensible de miniaturista por Joan Ollé, que dexa que’l testu esnale, ensin sorrayaos escénicos, encima d’un espaciu bien guapu –un bancu vieyu nuna plaza o parque que ta na memoria, unes lluces de verbena imaxinada-. Una baza importante ye una interpretación pa quitase’l sombreru. Lolita Flores –asina ye como s’anuncia, anque habría d’entamar a llamala Doña Lola- ye una Colometa de tierra y suelu, prestosa y desgarrada, que ye quien a tresmitir cercanía y verdá; una actriz que tresforma’l dolor en materia viva espresiva. La nueche del estrenu, a lo último de la representación, nun pudo aguantar les llárimes, mientres agradecía’l bastiazu d’aplausos del públicu que taba de pie”. EL MUNDO, 7/10/14 Javier Villán “Lolita, a lo grande” … “Pel bancu les palombes, dende’l que Colometa nos cuenta les sos munches vides, desfila la España d’aquella incivil guerra y la posguerra tremenda. Pa esa cantidá de vides, necesitábase una actriz con tantos rexistros como esi personaxe dimíu pola vida. Joan Ollé y la novela de Mercè Rodoreda atopáron a Lolita”. LA GUÍA DEL OCIO P.J.L. Domínguez “Victoria por goleada” …“Cenciella, sele, coles manes en cuellu, el pasu pa ser Colometa va poco a poco y ye impecable”…”Col sofitu d’una adautación perfeuta, Ollé tien a l’actriz setenta minutos llantada nun bancu del que nun se llevanta namái qu’unos segundinos”…”Esta muyer fízome llorar media función, y esto nun me pasa muncho”.
- - - - BITÒ PRODUCCIONS
Distribución: Elena Blanco Telf. 93 241 82 88 - 667 46 62 79 / [email protected]
LA PLAZA DEL DIAMANTE, de Mercè Rodoreda
_____________________________________________________________________________________
Joan Ollé. Direición
Dende qu’en 1.974 fundó “Dagoll-Dagom”, llevó al teatru estes obres: À la ville de.. Barcelona, de Joan Ollé; Hélade para la Inauguración Festival Mérida 2012; Esperant Godot, de Samuel Beckett; Joan Maragall, la Llei d´Amor, sobre testos de Joan Maragall; Nô, sobre testos de Yukio Mishima; El Cafè, de Carlo Goldoni; El jardí dels cinc arbres, sobre testos de Salvador Espriu; El quadern gris, sobre testos de Josep Pla; The Time of the Doves, de Mercè Rodoreda (con Jessica Lange); El ángel exterminador, de Luis Buñuel; Las mil noches y una noche, de Mario Vargas Llosa; Yvonne, princesa de Borgonya, de Witold Gombrowitz; Coral Romput, de Vicent Andrés Estellés;
Soldados de Salamina, de Javier Cercas; La isla del tesoro, de Joan Barril y Joan Ollé; La cantant calba, d’Èugene Ionesco; La cantant calba al Mc Donald’s, de Lluïsa Cunillé; Odiseo y Penélope, de Mario Vargas Llosa; El malentès, de Albert Camus; La verdad de las mentiras, de Mario Vargas Llosa; Oncle Vània, d’Anton Txèkhov; La plaça del diamant, de Mercè Rodoreda; Fedra, de Jean Racine; Sis personatges en busca d’autor, de Luigi Pirandello; L’hora en que res no sabíem els uns dels altres, de Peter Handke; Víctor o els nens al poder, de Roger Vitrac; Mass, de Leonard Bernstein; Apocalipsi, de Lluïsa Cunillé; Así que pasen cinco años, de Federico García Lorca; De poble en poble, de Peter Handke; Accident, de Lluïsa Cunillé; L’hora dels adéus, de Narcís Comadira; Actions-Spéctacle, sobre testos de Joan Brossa. (Festival de Avignon); Rossiniana, de Giacchino Rossini, Franco Di Francescantonio y Joan Ollé; Vador (Dalí de Gala), de Josep Maria Muñoz Pujol; Trio en mi bemol, d’Éric Rohmer; Set i mig, de Joan Ollé; El contrabaix, de Patrick Süskind; Quartet, d’Heiner Müller; Antígona, de Salvador Espriu; Crimenes y locuras del traidor Lope de Aguirre, de José Sanchis Sinisterra; Romeo i Julieta, de William Shakespeare; Baal, de Bertold Brecht; Descripció d’un paisatge, de Josep Maria Benet i Jornet; Quan la ràdio parlava de Franco, de Josep Maria Benet i Jornet y Terenci Moix. Woyzeck, de Georg Büchner; Plany en la mort d’Enric Ribera, de Rodolf Sirera; No hablaré en clase, de Josep Parramon y Joan Ollé; Nocturn per acordió, sobre testos de Joan Salvat-Papasseit; Yo era un tonto y lo que he visto me ha hecho dos tontos, sobre testos de Rafael Alberti: La Chunga, de Mario Vargas Llosa; Doña Rosita la soltera o el lenguaje de las flores, de Federico García Lorca.
- - - - BITÒ PRODUCCIONS
Distribución: Elena Blanco Telf. 93 241 82 88 - 667 46 62 79 / [email protected]
LA PLAZA DEL DIAMANTE, de Mercè Rodoreda
_____________________________________________________________________________________
Lolita Flores. Actriz
Lolita Flores, fía de grandes artistes, lleva’l talentu nos xenes. Grabó más de venti discos y vien desenvolviendo una carrera bien importante como actriz, desque, en 1964 y con seis años, debutare nel cine cola película La gitana y el charro. En 2002 ganó’l premiu Goya a la Meyor Actriz Revelación cola película Rencor, de Miguel Albadalejo. Intervino en series bien conocíes de la televisión, como Los ladrones van a la oficina (1993), Hostal Royal Manzanares (1996 - 1998), El botones Sacarino (2001), Academia de baile Gloria (2001), 7 Vidas (2003), Hospital
Central (2004), La sopa boba (2004), El Comisario (2005), El internado (2007), El Síndrome de Ulises (2008) y Vida Loca (2011). En 2010 escribió les sos memories nun volumen entituláu Lolita, Flores y alguna espin. La so esperiencia teatral vese en títulos como Ana en el trópico, que tuvo representada per toa España nos años 2005 y 2006. En 2012 y 2013 Lolita cálase n’otru ésitu como foi Sofocos y Más Sofocos. Dempués de cuatro años d’aparcar el so llabor musical, Lolita Flores vuelve a los escenarios madrileños pa derrochar el so arte y talentu Con otro aire , estiye’l nome del so nuevu recital. La primer fía de la familia Flores repasa la so discografía d’una manera mui especial, metiéndose nes sos esperiencies más íntimes y faciendo un percorriendo la primer vez pel xéneru musical del boleru. Tamién fai que nos presten versiones d’otros artistes. Dempués del so primer ésitu musical Amor, amor (discu de platinu), vienen otros como Lola, Lolita, Lola y Atrasar el reloj. Ente los sos temes más conocíos tán Amor, amor, Sarandonga, Mía, Si la vida son dos días, No renunciaré, Lo voy a dividir… Pasaron yá 39 años dende la primer vez que pisaba un escenariu, agora na so etapa de madurez Lolita promete emocionanos más que nunca.
- - - - BITÒ PRODUCCIONS
Distribución: Elena Blanco Telf. 93 241 82 88 - 667 46 62 79 / [email protected]
