1

AURKIBIDEA 0. Hitzaurrea...........................................................................................................31. Ikastetxearen aurkezpena........................................................................... 42. IKT baliabideak “Urdaneta” ikastetxean................................................ 7

• Hardware................................................................................................................................... 7• Software..................................................................................................................................... 10• Proiektu informatikoak....................................................................................................... 113. Irakasleen jarrera............................................................................................ 124. Jarduera proposamena.................................................................................. 145. Azken Hitza........................................................................................................ 186. Bibliografia......................................................................................................... 19

2

0. HITZAURREA0. HITZAURREA

IKT-en erabilera aztertzeko, Ordiziako Urdaneta Oianguren ikastetxea aukeratu dugu. Erabaki honen abiapuntuan, talde kide batek, Aretik hain zuzen ere, bertan egindako praktika aldia izan da. Bestetik, ikastetxearen ezaugarriak, aurkezpenaren atalean aipatuko ditugunak, oso interesanteak iruditu zitzaizkigun. Gure ustez, ikastetxe horren errealitateak Euskal Herriko hainbat eskolen errealitatea islatzen baitu. Lehenengo kapitulua, Ikastetxearen aurkezpena, Aretiren esperientzian oinarrituta dagoenez, lehenengo pertsonan idatzita dago. Lan honetan IKTen erabilerari buruzko hausnarketak eta proposamenak, ordea, bi taldekide artean egindakoak dira.

3

1. IKASTETXEAREN AURKEZPENA:Kokapena eta ezaugarri bereziak

Urdaneta-Oianguren Ordizian kokatuta dagoen ikastetxe publikoa da. Ordizia Gipuzkoako erdi-hegoaldeko udalerria da, Goierri eskualdeko hiriburua. Gipuzkoako biztanle dentsitaterik handienetarikoa du eta Oria ibaiak zeharkatzen du. Gaur egun, 10.000 inguruan biztanle ditu. Euskararen erabilerari dagokionez, Euskara Ordiziako biztanleen lehen hizkuntza izan zen XX. Mendera arte. Ordiziari buruz datu zehatzik ez badugu ere, Gipuzkoako eta Ordiziako egoera soziolinguistikoak antzeko samarrak zirela emanda, esan daiteke XIX. Mendearen erdialdean ordiziarren %96k euskaraz zekiela. Garai horretan oso gutxi izango ziren gaztelaniaz bakarrik zekiten ordiziarrak. Handik ehun urtera, hainbat faktoreren eraginez, Ordiziako euskaldunen portzentajea erdira etorrita zegoen. Gaur egun, Ordiziako biztanleen %62 dira euskaldunak, 2005ean Eustatek egindako erroldaren arabera.Historian zehar Urdaneta ikastetxearen bilakaerari jarraituz gero, Euskal Erkidegoan hainbat eskoletan gertatutako ibilbidea ikus dezakegu: Hastapenetan Escuela Nacional frankista izandakoa B eredura bihurtu eta handik, duela 25 bat urte, D eredura pasatu zen. Egun, zalantzarik gabe, ikastetxearen egunerokotasunak egiaztatzen duenez, eskola hau

euskalduna, anitza eta parte-hartzailea da. Nire esperientziak ere, practicum egonaldian zehar, hala dio. Izan ere, esan beharra dago harritu egin ninduela bai euskararen erabilerak bai eskolaren berrikuntza mailak. Horren haritik tiraka, ezinbestekotzat jotzen dut parentesi bat egitea esandakoa argitzeko nahian: Ordizian, beste herri euskaldun askotan bezala, badago

4

tamalez, norgehiagoka zorrotz bat eskola publiko eta ikastolaren artekoa. Lehia honetan, inplizituki eskola publikoari euskararen erabilera pobrea edota euskal kulturatik aldenduta dagoen curriculuma leporatzen zaizkio. Hain zabalduta dauden aurreiritzi horiek non neuk ere -eskola publikoaren balizko defendatzaile sutsua- era batean sinetsi egitn nituen. Zentzu honetan, Urdaneta ikastetxe publikoan emandako sei asteek aurreiritzi guztiak desmuntatzeko balio izan zuten. Hortaz gain, nire esperientzia Euskal Erkidegoan Hezkuntza

Berrikuntzako esperientziak ikastetxe publikoekin lotuta dauden ustea ere indartzeko balio izan zait. Hezkuntza Eskaintzari dagokionez, ikastetxe honek hezkuntza maila guztiak eskaintzen ditu: Bi urteko gela, Haur Hezkuntza, Lehen Hezkuntza eta DBH hiru egoitzetan kokatuta. Gainera, Amara Berri sistema aplikatzen du, horrek dakartzan berezitasun guztiekin. Hau da, Amara Berri sareko partaide izateak ikastetxearen funtzionamenduaren arlo guztiengan eragiten du. Eskolako ezaugarri nagusiak Ikastetxeko Hezkuntza Proiektuan (I.H.P.) eta

Ikastetxeko Curriculum Proiektuan (I.C.P.) jasotzen dira:I.H.P. ko ardatza ikaslearen kontzepzioa da:

-Ikasle bakoitza izaki globala da eta bere heziketak barne hartu behar ditu bere nortasuna, harreman sozialak eta arloekin lotutako ikasketak.

-Beraz, hezkuntzaren xedea umearen garapen harmoniko eta globala da.

-Izaki bakoitza norberaren kontzeptu eskema eta emozio-egoeratik abiatzen da eta bere ahalmena du.

-Badago berezitasun bat haur guztiak batzen dituena: jolaserako interesa.

Prinzipio metodologikoak

• INDIBIDUALIZAZIOA: Eskolak, ikasle bakoitzak dituen ahalmena eta egoera kontuan harturik, bere mailan eta erritmoan lan egiteko aukera emango dion programa ahalbideratu behar du.

• SOZIALIZAZIOA: Elkarreraginak aurrera jotzen eta gure eskemak aldatzen laguntzen digu; honengatik, proposatutako aktibitate guztiak testuinguru sozialak dira.

• AKTIBITATEA: “Ikasleak bere kasa egin dezakeena, ez dezala irakasleak egin”. Gure helburua ikasle gogotsuak, aurrea hartzen dutenak, jakinmina dutenak lortzea da.

• SORMENA: gizaki orok duen gaitasuna da. Eremu guztietan sustatzen dugu, pertsona bakoitzak barruan daramana kanporatu eta bere berezitasunaz jabetzekoaukera izan dezan.

• ASKATASUNA: Besteen eskubidea errespetatuz, bakoitzak pentsatzeko, adierazteko, eta aukeratzeko duen eskubidea da. Muga bakarra besteen eskubidea da, honi “ muga soziala” deitzen diogu.

5

Amara Berri sisteman ez daude beste ikastetxeko ohiko gelak. Horien ordez, departamenduak ditugu. Era honetan, ikaskuntza-irakaskuntza prozesuak esparru kontzeptual guztiak hartzen ditu barne, ondorengo Lehen Hezkuntzako 1. Zikloko organigraman ikus daitekeenez. Barneko antolakuntza bereziari esker, Informazio eta Komunikazio Teknologiek presentzia handia dute ikastetxeko esparru guztietan. ( Prentsan,

Irratian, Telebistan...)

6

2. IKT BALIABIDEAK URDANETA IKASTETXEAN

Urdaneta ikastetxean, beste ikastetxe askotan gertatzen den bezala, Informazio eta Komunikazio Teknologiako baliabide anitz daude, Eskola 2.O programaren ondorioz, besteak beste. Programa horren helburua L. Hezkuntzako 3. Zikloko gela guztiak erabat digitalizatzea denez, 2010. urtetik Euskal Erkidegoko ikastetxe gehienak hardware kopuru ikaragarriz hornitu ziren. Softwareari dagokionez, aldiz, gehien erabiltzen direnak software libreak dira.Amara Berri sistemaren printzipioei jarraituz, departamendu batzuek teknologia berrien erabilpena bultzatu egiten dute era askotan : Ondorengo baliabide-zerrendan ikusiko dugunez, 1. eta 2. Zikloko gela guztietan irrati zirkuitu itxia dago; 3. zikloan, aldiz, telebista zirkuitu itxia. Hortaz gain, 2. eta 3. zikloko ikasleek astero ikastetxeko aldizkaria editatzen dute eta txikiweb orria lantzen dute. Aztertzen dugun ikastetxean, beraz, honako baliabide hauek aurki ditzakegu.

Hardware

Ikastetxeko gela guztietan ordenagailu bat, behintzat (gela arruntetan, zein Laguntza eta

Harrera gelan). Amara Berri sistema txokoetan oinarrituta dagoenez, ordenagailuan egiten den lana txoko bat kontsideratzen da.

Irakasle gelan, 6 ordenagailu eta bi inpresora.

7

Ordenagailu gelan 20 ordenagailu aurten erositakoak.

Mediatekan, 3 ordenagailu eta inpresora sarean.

3. Zikloko gela guztietan arbel digitalak (7 arbel ).3. Zikloko bost gelatan kanoia eta anplifikadorea.

Arbel digital eramangarri bat Haur Hezkuntzan.

3. Zikloko gela guztietan armario bana 20 notebookekin.

Ziklo bakoitzak bere bideokamera digital

eta argazki kamera.TV zirkuitu itxia: 3. Zikloko gela guztietan telebista bana.

8

Telebista estudio bat: ◦ Mikrofonoak◦ Muntaketa-mahaia◦ Ordenagailu bat◦ Kamara bat◦ Fokuak◦ DVD erreproduzitzaile bat◦ Bi musika erreproduzitzaile

Irrati estudio bat: ◦ Mikrofonoak◦ Kaskoak◦ Soinuak muntatzeko mahaia◦ Ordenagailu bat

Ikastetxeko aldizkaria editatzeko gelan 3 iMac (aurten erositakoak) eta inpresora bat.

9

Material gelan: bi fotokopiagailu

Zuzendaritza, aholkulari eta informatikako arduradunaren bulegoetan ordenagailu eta inpresora bana.

WolfVision Bisualizador bat (display): aurkezpenak egiteko euskarria.

Software

Daemon: CD unitate birtualak sortzekoa (librea)Publisher (Open Office-koa): Ikastetxeko aldizkaria editatzekoa (librea)Movie Maker: Bideoak editatzekoa (librea)Pinacle Estudio Plus: Kalitate handiko bideoak editatzekoaEmovie: Bideoak editatzeko (iMac)Zararadio: Irrati erreproduzitzaile automatizatua (librea)Microsoft Office (word, ppt, excel...)

Open Office (impress...) (librea)Abies: Ikastetxeko liburutegia kudeatzeko aplikazioa (librea)Google Apps

10

Proiektu informatikoak

Lehen aipatutako Eskola 2.O proiektua Eusko Jaurlaritzaren kolaborazioarekin.Ikastetxeen heldutasun teknologikoa: Proiektu horri esker, ikastetxeko prozesuak zenbateraino digitalizatuta dauden neurtu daiteke. Urdaneta ikastetxeak proiektuaren lehenengo maila lortzear dago aurten.Atarien eta Intraneten Plataformaren kudeaketa

•• Web egitura: atarien administrazioa eta elikadura.•• Liferay: edukien kudeaketarako atari bat, Java eta kode irekian idatzita dagoena•• Intranet: ikastetxeko intranet korporatiboa, ikasleena, irakasleena eta abar.•• Al Fresco: web orriak eta dokumentazioa kudeatzeko sistema.•• Moodle plataforma: IKTei buruzko formazio-ikastaroak online, 3. Zikloko matematikako edukiak eta jarduerak eta abar.•• Txiki web: ikasleek lantzen duten web orri hau, oraindik hastapenetan dago. Asmoa astero eguneratzea eta elikatzea da.

Beheko eskeman, ikasleen jarduerak eta hedabideen sormenetako parte hartzea ikus daiteke:

11

3.IRAKASLEEN JARRERA:teknofiloak versus teknofoboak

Lehen aipatu dugun bezala, Urdaneta ikastetxeak, gure ustez, ikastetxe askoren egungo errealitatea islatzen du. IKTen aurrean irakasleen jarrerari dagokionez ere, hala uste dugu. Irakasleen artean, betiko dikotomia ikus baitaiteke: teknofiloak versus teknofoboak, alegia.Ikastetxeko informatika arduradunaren arabera, jarrera teknofobo horrek zerikusi handia dauka IKTei buruzko formazio ezarekin. Irakasle askok eta askok ez dituzte ezta ezagutu ere egiten teknologia berrien aplikazioak. Hori dela-eta, azpiegitura teknologiko ugari ia erabili gabe egoten dira. (Horren adibidea Urdaneta ikastetxean, arbel digitalak dira: zazpi gelatan badaude ere, ematen zaien erabilpena oso urria da). Egoera honi erantzuteko, informatikako ezagutzak ez dituzten irakasleentzako formazio ikastaro trinkoak egon beharko lirateke eskura. Ez da erraza, ordea, horrelakorik antolatzea, irakaskuntzako profesionalen laneko ordutegia kontuan harturik. Hau da, azkeneko urteotan irakasleek lektiboak ez diren ordu gutxiago izaten dituzte eta ikasturteko egutegiaren arabera, horietako asko ikastetxeko antolakuntzan inbertitu egiten dira: klaustroak, zikloko bilerak, formazio pedagogikoa, ebaluaketa saioak eta abar. Hala eta guztiz ere, hezkuntza errealitateak jarritako mugak gorabehera, ezinbestekotzat jotzen dugu IKTen erabilpena irakasle guztiengana hurbiltzea. Baliabide hauei esker, irakasleriaren betiko rolaz gain eginkizun berriak sortu baitira. Irakasleok

12

izango garen neurrian, bereizten jakin beharko dugu goiko irrimarretan karikaturizatuak agertzen diren bi egoeren artean. Alde batetik, irakaskuntza-ikaskuntza prozesuak baliabide teknologikoak baino askoz gehiago hartzen du barne (hala nola, irakaslearen sormenerako gaitasuna, ikasleekiko sortutako harremanak, komunikazio estrategiak eraginkorrak eta abar). Arbel digitalak, software sofistikatuak edota IKTen etengabeko erabilpenak ez dute berez bermatzen heziketa prozesuaren arrakasta. Bestetik, gure ardura izango da gure ikasleen interesak pizteko eta heziketa prozesua erakargarriagoa egingo duten era berriak aurkitzea, baita gaur egungo errealitateak eskatzen dituen baliabideak ematea ere. Eta horretarako, Informazio eta Komunikazio Teknologietara jo behar dugu, derrigorrez. Arbel konbentzionala bai, zergatik ez? Baina digitala ere bai. Enrique Dans-en hitzetan, ez dago bueltarik...1

“Si te dedicas a enseñar a otros, tienes que hacerlo en el contexto que marca

tu entorno. Si tu entorno vive una revolución tecnológica que hace que TODA la información

esté al alcance de los estudiantes, tendrás que cambiar tu metodología, porque tu negocio ha cambiado.

Tendrás que enseñar a buscar, a tener criterio, a comprender, a interiorizar. Es indispensable seguir

esa revolución tecnológica e introducir sus consecuencias en tus contenidos, o serás culpable de

contribuir a generar una generación de estudiantes desconectados de su entorno”

1 Iturria: http://www.enriquedans.com/2005/09/nuevas-tecnologias-en-clase.html

13

4.JARDUERA PROPOSAMENA Harrera gelako blog-a

IKT baliabideak eta beren erabilpen maila Urdaneta ikastetxean ikusirik, gure jarduera proposamena euskara ez dakiten ikasle etorri

berriengan zentratzea erabaki dugu. Ikusi dugunaren arabera, arlo honetan, harrera gelan alegia, IKTak ez dira batere erabiltzen hizkuntza irakasteko prozesuan, eta egoera hau erkidegoko ikastetxe askotan aurki dezakegu.Beraz, azken urteotan Euskal Herriko eskoletan etorkinen seme-alaben kopurua gero eta handiagoa denez, uste dugu ezinbestekoa dela beraien integrazioa errazteko, hizkuntza ikasteko estrategia eraginkorrak erabiltzea. Amesten dugun eskola inklusibo eta integratzailean, ikasle guztiek aukera berdinak izan behar dituzte. Ikasle etorri berrien kasuan, horrek esan nahi du alde batetik, beraien jatorrizko kultura eta hizkuntza errespetatu, eta bestetik, hemengo hizkuntza eta kultura ikasteko tresna egokiak eman.

Proposatzen dugun jardueraren bidez, alde batetik, IKTen erabilera sustatu, eta bestetik ikasle horien ikasteko eta integratzeko premiei erantzun egokia eman nahi diegu. Gure proposamena, horrenbestez, ikasturtean zehar landuko den metaproiektu bat da, gelako blog bat sortzearena, alegia. Jakin badakigu gure proposamena ez dela oso originala (hasteko, ikasgai honetan ere hauxe izan da jarduera zentrala). Hala ere, pentsatzen dugu horrelako proiektu bat oso motibagarria izan daitekeela etorkinen seme-alabentzat, bai euskara ikasteko, bai beraien lorpenak besteekin konpartitzeko (lagunak, familiarrak, jatorrizko herrialdetako kideak...). Hortaz gain, argi dago blog-a erabilera anitzeko

tresna didaktiko bat dela, ikaskuntza esanguratsua eta elkarlana bultzatzen dituena: IKTen erabilera eta hizkuntzaren irakaskuntza ez ezik hezkuntza bateratua, aniztasun kulturala, ideologikoa eta hizkuntza-aniztasuna, tolerantzia, autonomia pertsonala, jarrera arduratsua eta sormena suspertu baititzake.14

Helburu orokorrakIKTen erabilera sustatzeaKomunikazio maila ezberdinak suspertzeaIkaskuntza-irakaskuntza prozesua erakargarriago bihurtzeaEuskararen erabilera maila ezberdinetan bultzatzeaParte-hartzea motibatzeaElkarlana suspertzea (talde lana, lana sarean...)Ikasleen integrazioa errazteaHelburu zehatzakAplikazio eta programa ezberdinak erabiltzen hastea: movie maker, word, power

point, paintnet..Ariketa interaktiboak egitea (hot potatoes, podcast..)Euskarako testu sinpleak edo mikroipuinak sortzeaGai ezberdinak eztabaidatzeaGelaren egunerokotasuna komentatzeaGelako elkarrekintzak bultzatzeaTaldeka lan egitearekin gozatzeaEduki kontzeptualakInformatikako aplikazio eta programa ezberdinak: blogaren sorrera, movie

maker, word, power point, paintnet..Ahozko eta idatzizko euskararen egitura sinpleakEuskararen idazkeraEuskarako hiztegiaProzedurazko edukiakInformazio eta komunikazio teknologien erabilera

15

Programa eta aplikazio ezberdinen sailkapenaOrdenagailuaren funtzioen identifikazioaAhozko eta idatzizko euskararen erabileraIKT eta hizkuntzarekiko esperimentazioaJarrerazko edukiakIKT-en garrantziaz jabekuntzaIKTen erabilerarekiko gozamenaTeknologia berriei aurreko jarrera kritikoaTeknologia berriekiko jakin minaEuskararen erabilerarekiko interesaElkarlanaren gozamenaDenboralizazioaIkasturte osoan zehar , astean 5 saio.BaliabideakArgazki kamera digital batBideokamera digital batBi ordenagailuInpresora batOinarrizko software (gehienbat librea): Microsoft office edo Openoffice,

Moviemaker, paintnet.

Jardueraren Garapena

Lehen aipatu dugun bezala, blog bat sortzea eta eguneratzea ez da jarduera edota proiektu sinple bat, baizik eta metaproiektu bat ikasturte osoan zehar lantzen diren eduki eta jarduera asko jasoko dituena. Horren ondorioz, argi dago metaproiektu honen garapena harrera-gelako taldearen ezaugarri bereziek baldintzaturik egongo dela. Jardueraren helburu nagusietako bat ikasle horien integrazioa bultzatzea denez,

16

blogaren dugun kontzepzioa ez da soilik eduki kontzeptualak lantzen dituen tresna didaktikoarena, baizik eta gure ikasleen inklusioa bultzatuko duen bitarteko garrantzitsu bat. Hori dela-eta, programazioaren barruan askatasuna eman behar zaie ikasleei, blog-aren bidez beraien nortasuna, premia eta desioak adierazteko. Halaber, haurren ama hizkuntzaren presentzia blog-ean ezinbestekotzat jotzen dugu. Era honetan, motibatuta egongo dira bai IKT baliabideak bai euskara testuinguru ezberdinetan erabiltzeko.Hasieran, blog-aren sorreran, irakasleak beharrezkoa den laguntza emango die ikasleei, lehendabiziko pausoak emateko. Proiektua aurrera joaten den neurrian, ikasleak informatikako baliabideekin erosoago sentitzen diren heinean, autonomia gehiago izango dute. Pausoz-pauso blogaren eguneratzea ikasleen ardura bihurtuko da.Blogaren atalak-etiketak honako hauek izan daitezke: ikasleen aurkezpenak, gelaren

egunerokotasuna (argazki galeriak, testu eta bideo motzak, mikroipuinak, jarduera didaktiko edota irtera batzuen deskribapena); ikasleen ekarpenak euskara zein jatorrizko herrialdetako hizkuntzak erabiliz (etxean kontatutako ipuinak, abestiak, argazkiak...); euskara ikasteko baliabide digitalak; gustuko esteken/blogen zerrenda; jokoak, abestiak

eta ipuinak euskaraz, eta abar.Eredu gisa, gustatu zaigun Kataluniako “aula d´Acollida” batek egindako bloga jartzen dugu: http://elcucaacollida.blogspot.com.es/

17

5. AZKEN HITZA

Bukatu baino lehen, gauza bat azpimarratu nahi dugu: Informazio eta Komunikazio Teknologiak ezagutzea eta erabiltzea oso garrantzitsua bada ere, irakaskuntza-ikaskuntza prozesua arrakastatsua izateko bitartekoak baino ez dira. Edozein tresna digitalak, erakargarria eta interesantea izan arren, ez da inoiz izango heziketa harremana bermatuko duen faktore bakarra. Ondorengo istorio txikian ikusten den bezala, batzuetan, gela batean abentura bat sortzeko ez dugu behar ez arbel digitalik, ez software sofistikaturik, ezta pantaila erraldoirik. Kortxo batekin nahiko dugu...Hace años, un supervisor visitó una escuela primaria. En su recorrido observó algo que le llamó poderosamente la atención: una maestra estaba atrincherada atrás de su escritorio, los alumnos estaban en desorden; el cuadro era caótico. Decidió presentarse:-Permiso, soy el supervisor de turno… ¿algún problema?- Estoy abrumada señor, no se qué hacer con estos chicos… No tengo láminas, el ministerio no me manda material didáctico, no tengo nada nuevo que mostrarles ni qué decirles…

El supervisor, que era un docente de alma, vio un corcho en el desordenado escritorio. Lo cogió y con aplomo se dirigió a los chicos:- ¿Qué es esto?- Un corcho señor… gritaron los alumnos sorprendidos- Bien, ¿De dónde sale el corcho?- De la botella señor. Lo coloca una máquina…, del alcornoque, de un árbol…. de la madera…, respondían animosos los niños.- ¿Y qué se puede hacer con madera?, continuaba entusiasta el docente- Sillas…, una mesa…, un barco…- Bien, tenemos un barco. ¿Quién lo dibuja? ¿Quién hace un mapa en la pizarra y coloca el puerto más cercano para nuestro barquito? Escriban a qué provincia argentina pertenece. ¿Y cuál es el otro puerto más cercano? ¿A qué país corresponde? ¿Qué poeta conocen que nació allí? ¿Qué produce esta región? ¿Alguien recuerda una canción de este lugar?Y comenzó una tarea de geografía, de historia, de música, economía, literatura, religión, etc.

La maestra quedó impresionada. Al terminar la clase le dijo conmovida:- Señor, nunca olvidaré lo que me enseñó hoy. Muchas Gracias.Pasó el tiempo. El supervisor volvió a la escuela y buscó a la maestra. Estaba acurrucada detrás de su escritorio, los alumnos otra vez en total desorden…- Señorita… ¿Qué pasó? ¿No se acuerda de mí?- Sí señor, ¡cómo olvidarme! Qué suerte que volvió. No encuentro el corcho ¿Dónde lo dejó? Alejandro Jodorowsky22 Iturria;[1] http://planocreativo.wordpress.com/2009/07/30/chiste-sobre-la-creatividad-en-la-ensenanza/

18

6. BIBLIOGRAFIA

Informazioa

http://www.educared.org/global/premiointernacional/blog-herramienta-didactica (2012/04/30)http://elcucaacollida.blogspot.com.es/ (2012/05/05)http://www.enriquedans.com/2005/09/nuevas-tecnologias-en-clase.html (2012/05/06)http://eu.wikipedia.org/wiki/Ordizia (2012/05/06)http://eu.wikipedia.org/wiki/Liferay (2012/05/06)http://www.hezkuntza.ejgv.euskadi.net/r43-573/eu/contenidos/informacion/eskola_bi_puntu_zero/eu_eskola20/eskola20_e.html#hardwarea (2012/05/05)http://planocreativo.wordpress.com/2009/07/30/chiste-sobre-la-creatividad-en-la-ensenanza/ (21012/04/30)http://urdaneta.ikastetxea.net/ (2012/03/30)wikipedia ordiziaArgazkiakhttp://amparoirlesquiles.blogspot.com.es/2010_11_01_archive.html (2012/04/16)http://www.clker.com/clipart-12309.html (2012/03/22)http://www.educacio.novaciutadania.bcn.cat/es/aulas-de-acogida_1772 (2012/05/05) http://es.123rf.com/photo_4193148_equipo-docente-con-mesa--ilustracion-vectorial.html (2012/03/27)http://www.hezkuntza.ejgv.euskadi.net/r43-573/es/contenidos/informacion/eskola_bi_puntu_zero/es_eskola20/images/r43-eskola_20_banner_nuevologo.jpg , (2012/05/05)http://juanfratic.blogspot.com.es/2011/02/competencia-digital-una-cuestion-de.html (2012/05/06)http://urdaneta.ikastetxea.net/graphics/ab-topics/subsites/urdaneta/TXIKIWEB-LOREA (2012/04/12)Karikaturakhttp://onairosjs.wordpress.com/2007/01/ (2012/04/16)http://ntics.grupoartegnos.com/tag/caricatura/ (2012/04/16)

19