8 de MARZO de 2012

DÍA INTERNACIONAL DA MULLER

No IES “Monte Carrasco”

Este curso, para conmemorar o Día Internacional da Muller, unímonos ao

PROXECTO BATA, elaborado no IES “Alexandre Bóveda” de Vigo. Este

proxecto nace coa finalidade de conseguir que o cotián, o privado e o

doméstico entren na esfera do visible e do recoñecemento.

A BATA é empregada para como un símbolo que visibiliza todo este

traballo doméstico das mulleres, traballo non pagado, sen vacacións nin

xubilacións. É un traballo que move tamén as emocións e move os

nosos afectos porque, ao final, todas e todos fomos coidadas e

coidados por unha muller que levaba unha bata; a bata esconde sempre

unha muller invisible.

A nosa proposta para este 8 de marzo de 2012 é un concurso de

fotografía “Ollada ás batas”, que nos axude a visibilizar o traballo

doméstico das mulleres, simbolizado na BATA. Faremos unha

exposición con todas as fotografías participantes e colgarémolas na web

do centro.

Ademais, poremos vídeos dos traballos realizados no

IES “Alexandre Bóveda”

Se queredes mais información e ver os traballos que alí se fixeron

podedes consultar a wiki do proxecto no IES “Alexandre Bóveda”:

http://proxectobata.wikispaces.com

Organiza:Act.Complementarias, EDLG e Dep.de Debuxo.