Aciera – Sierra de Caranga - ProazaNel pueblu de Aciera (400 m.), garramos una carreterina (O) hasta El Llano (onde ta la escuela de escalada de Quiros), onde colamos pal N, per un camin baxo la Sierra Caranga (xerru alpinu de 3 kms. de llargo con grandes desplomes, cuchillares y canales) que dexamos a la manzorga, atraviesando La Texera y Val Pedrosu, con abondo cabanes. El pindiu camin dexanos na collá de Aciera (660 m.). Dende aquí subiremos a la Sierra Caranga empobinandonos pal N0 per encima del mayau Peneo, esguilando valle La Forcá p’arriba hasta la collá del mesmu nome (1020 m.); cresteando algamamos el picu La Forcá (1.111 m.), con güeyaes prestoses del Valle de Trubia y del Aramu. Tornamos a la collá La Forcá pa seguir cresteando dirección SO,per un vertixinosu senderu que cae hacia el valle Caranga, hasta empirocotanos nel picu La Hoya (1.193 m.). Baxaremos a la collada Aciera pel mesmu sitiu, garrando la pista por onde baxaben el mineral de Coscorbal, atopando les cabanes de Lindalafaya (600 m.),y valle p’abaxo, la Venta Cerezales. Dexando dos fontes (Carril y La Mortera), llegamos a Villamexin (380 m.) -aldea pergüapa con horreos y cases solarieges blasonaes- Dende aquí sal una carretera que en 2 km. llevanos a Proaza (190 m.), onde güey puede terminase esta ruta ente los conceyos de Quiros y Proaza.

Recorriu aproximau : 14 Kms. Subida : 800 m. Baxada : 1.000 m.