Nakuāa o túun kō

Leamos nuestro idioma

Mixteco de San Juan Coatzospan

Nakuāa o túun kō Leamos nuestro idioma

Mixteco de San Juan Coatzospan

Tercera edición (versión electrónica)

Publicado por el Instituto Lingüístico de Verano, A.C.

Apartado postal 22067 14000 Tlalpan, D.F., México

Tel. 5573-2024 2012

Asesoras lingüísticas Priscila Small W. Juana Turner G.

Colaboradora de habla mixteca

Gabriela Acosta de Campanela

Dibujante Priscila Small W.

© 2012 por el Instituto Lingüístico de Verano, A.C.

Derechos reservados conforme a la ley. Esta obra puede reproducirse para fines no lucrativos.

http://www.sil.org/mexico/mixteca/coatzospan/L376-LeerIdioma-miz.htm

Primera edición 1976 3C Segunda edición 2011 2C Tercera edición 2012 (versión electrónica)

Leamos nuestro idioma Mixteco de San Juan Coatzospan (miz)

iii

INTRODUCCIÓN

Este libro de lectoescritura se ha elaborado con el propósito de enseñar a los hablantes del mixteco de Coatzospan a leer y escribir su propio idioma. De esta manera los nuevos lectores podrán introducirse en los placeres de la lectura y gozar de las ventajas que trae el poder expresar los pensamientos más íntimos por medio de la escritura. Además sirve de preparación en el aprendizaje de la lectura y escritura del español.

Las treinta y nueve lecciones de este libro incluyen elementos que se presentan de la siguiente manera:

1. Introducción de letras nuevas y combinaciones de letras mediante palabras claves con ilustraciones.

2. Uso de las letras nuevas y las palabras claves en lecturas dentro de contextos naturales.

3. Práctica para el alumno mediante ejercicios de:

a) análisis y síntesis de palabras

b) comparación y contraste de los elementos nuevos con los ya conocidos

4. Lecturas adicionales para acostumbrar al alumno a la lectura independiente.

5. Ejercicios de lectura y de construcción de frases, así como palabras largas para enseñar al alumno a leer con fluidez.

Las lecciones empiezan usando pocas letras, y se van agregando letras y agrupaciones de letras una por una en el orden determinado por su frecuencia de uso en el idioma. Puesto que cada lección se basa en las lecciones anteriores, es necesario estudiarlas en el orden que se presentan para obtener el mayor beneficio posible.

iv

Las lecturas representan la manera de hablar y el punto de vista de un muchacho mixteco que relata experiencias y hace observaciones sacadas de su vida familiar. Relata además sus propias aventuras en el pueblo y en su viaje a la capital. De esta manera se pretende solucionar el problema de las diferencias de habla entre los hombres y las mujeres de Coatzospan.

Una peculiaridad del mixteco es el uso de la “copla”, que es la forma básica que consta de dos sílabas, siendo la unidad más pequeña del idioma que se puede pronunciar por separado. Por eso los ejercicios han sido hechos a base de coplas y se recomienda no emplear el método de silabeo (ba-be-bi-bo-bu) en la enseñanza del mixteco, pues si se aislan las sílabas de una palabra mixteca como, por ejemplo, tīna ‘perro’, se van a pronunciar tiī y naa, que son a su vez palabras de dos sílabas.

La mayoría de las coplas empleadas en los ejercicios tienen significado cuando se encuentran en un contexto apropiado. Raramente se encontrará una copla sin sentido, pues solo se habrá incluido donde contribuya a formar un ejercicio. En estos casos la copla por lo menos forma el núcleo de una palabra del idioma. Por ejemplo, īna es una copla sin significado en sí misma, pero forma el núcleo fonológico de la palabra tīna ‘perro’.

Se recomienda que cada lección vaya acompañada de un ejercicio de escritura de palabras y oraciones en las cuales se encuentren las nuevas letras. También se recomienda que los alumnos escriban libremente algunas palabras y oraciones que les gusten con el propósito de acostumbrarlos a expresar sus propias ideas en forma escrita.

v

́ ¯ ˆ

Sin signo

indica tono alto.. ́ indica tono bajo.¯ indica tono alto-bajo.ˆ indica tono neutro. Sin signo

ACLARACIONES Los Tonos

En mixteco hay palabras que se distinguen sólo por el tono con que se pronuncian. Estos tonos se representan con los siguientes signos:

La sílaba que lleva el signo ́ se pronuncia con tono más alto que la sílaba siguiente, por ejemplo: ení ko ‘mi hermano’.

La sílaba que lleva el signo ¯ se pronuncia con tono más bajo que la sílaba siguiente, por ejemplo: tīna ‘perro’.

La sílaba que lleva el signo ˆ empieza más alto y termina más bajo que la sílaba siguiente, por ejemplo: skuîntu ‘pinto’.

La sílaba sin ningún signo se pronuncia con el mismo tono que la siguiente.

El tono que lleva una palabra puede afectar al de la siguiente palabra o al de la anterior, resultando esto en un cambio de tono, por ejemplo: tīna ‘perro’; a tínā ‘perrito’. En ciertas ocasiones los tonos pasan de una palabra a otra, por ejemplo: ítā ‘tortilla’ + ia = ita íā ‘tortilla agria’.

Las consonantes

Las consonantes se pronuncian como en el español, con las siguientes excepciones:

Cuando la n se encuentra al final de una palabra en mixteco, indica que la vocal o las vocales antecedentes se pronuncian a través de la nariz. Observe en el siguiente ejemplo la diferencia entre la palabra con n y la palabra sin n: ikān ‘allí’; ikā ‘lejos’.

La letra t se pronuncia de la misma forma como en el español cuando se encuentra antes de las vocales a, e, i, o. Cuando se encuentra antes de u o ɨ se pronuncia como ty, excepto cuando la u es nasalizada como en la palabra tutun ‘leña’.

vi

Hay que tener en cuenta que las mujeres pronuncian la t como ch antes de las vocales i y e.

Las letras td representan un sonido que no se encuentra en español. Se pronuncian sin sonoridad como en la palabra tdume ‘alacrán’.

Las siguientes combinaciones de letras se pronuncian simultáneamente: mp, ng, nch, nt, nts, exteniendo la sonoridad de la letra nasal a las consonantes que le siguen. Observe su pronunciación en los siguientes ejemplos: ngūtu ‘silbato’; nchuve ‘hamaca’; ntāku ‘nixtamal’; ntsōo ‘colibrí’.

La letra r cuando antecede a la k se pronuncia como la r del español, pero sin voz, como en rkaka ‘cacalote’ y rkima ‘azadón’.

La letra x se pronuncia como en la palabra xakuin ‘armadillo’.

El símbolo del mixteco representa el “saltillo”, que es un pequeño corte de voz que se hace en la garganta. El saltillo puede encontrarse entre dos vocales o entre una vocal y una consonante. Observe en los siguientes ejemplos la diferencia entre las palabras que usan el y las que no lo usan:

kóō ‘plato’ kóō ‘culebra’ kanu ‘grande’ kanu ‘tejer’ xɨxɨ ‘hongo’ xɨxɨ ‘tejón’

(En algunos casos el saltillo se pronuncia, pero no se escribe. Esto sucede ante una consonante sorda como p, t, k o s.)

Las vocales

El mixteco tiene seis vocales: a, e, i, o, u, ɨ. Las primeras cinco se pronuncian como en el español. La sexta se pronuncia como en la palabra dɨɨ ̄‘madre’ o xɨɨ ‘esposo’. Observa la pronunciación de las siguientes palabras: xɨxɨ ‘tejón’; xuxu ‘vidrio’; xixi ‘con cuidado’.

Al juntarse dos vocales entre coplas, puede resultar una fusión de vocales en la cual una de ellas no se pronuncia. En los siguientes ejemplos, la vocal que no se pronuncia aparece entre paréntesis: xuxu (í)xū ‘frasco vacío’; un (i)to ‘una vez’; kax(i) u ‘voy a comer’; kɨ́(ɨ)n ō ‘vámonos’; k(a)eku ‘llora’; dōo v(á) exi ‘muy sabroso’.

1

1

tātá ko tāta

tāta āta

nāná ko nāna

nāna āna

tāta nāna

tātá ko

nāná ko

2

āta tāta

ata nata

nata tata

ana tana

tana nāna

āna nāna

áta nāná ko

áta tātá ko

3

átā ko átā

átā ana

tāta tana

nata nāna

átā atā

átā ko

4

ítā ko

íta nāná ko

2

ítā átā

ítā ko átā ko

íta kō áta kō

ítā ko íta kō

átā ko áta kō

ítā

5

ita íā ia

ia ita íā

atā ita átā

ita átā ita íā

Iní tātá ko ita.

Íta íni tātá ko.

Ita íā.

ini ina

ani ana

tani tana

nani nāna

Ini ini

6

Anita nani náná ko.

Pedru nani tátá ko.

3

Anita nita

nita Anita

īni īi

ii ia

ia aa

āa nāa

nāa nīi

Anita

7

ítā átā

ítā ko átā ko

tāta nāna

tātá ko nāná ko

Anita Pedru

nāná ko tātá ko

ita íā ita átā

íta nāná ko áta nāná ko

īní tātá ko ita īní nāná ko ita

tātá ko Pedru nāná ko Anita

Pedru ni Ánita tātá ko ni nāná ko

Ata tātá ko.

Ita nāná ko.

8

kāá tātá ko

kāá kani

4

kāa āa

āa kāa

ani kani

ata kata

kata tāta

kani nani

kāa

9

kanika

Kanatāká nāná ko kanika.

Kanika ná Lētu.

Kakana nāná ko na.

Kakana nāná ko ko.

kanatāka natāka

taka

taka natāka

kanatāka

kaka nakāka

kanakāka

kana nakana

kanakana

ikā ítā

aka atā

taka tata

kaka kata

10

5

a tínā tīna

tīna īna

īna tīna

ita tita

tīna tana

tita tata

Un kaa a tínā ko.

Skuîntú nani a tínā ko.

Ōo tií nani tá Skuîntú ko.

a tínā

11

kakatā katā

katā kakatā

taka kataka

kataka nataka

kakana nakana

Ōo tií kaa a tínā ko.

Tīná ko tá Skuîntu.

Kakata āta i.

kāa tāa nāa

kani tani nani

kata tata nata

kaka taka naka

kana tana nāna

kakatā

12

tá Skuîntu Skuîntu

ná Lētu Lētu

tá Skuîntu ná Lētu

Skuîntu nani a tínā ko.

Lētu nani ná ení ko.

Tīná ko tá Skuîntu.

Ení ko ná Lētu.

áta ī átā ko

iní i iní ko

iní ko átā ko

iní i áta ī

áta ī áta nā

Kakata ātá ko.

Kakata āta na, átā ná Lètu.

Kakata āta i, átā tá Skuîntu.

13

6

kaika īka

īka kaika

īta kaita

īni kaini

kaika kaka

kaita kata

kaika

Kaika tātá ko.

Kaika a tínā ko.

Kaika a tínā kó ni tātá ko.

Áta tātá ko kaika.

Ōo tií ika tá Skuîntú ko.

14

Un kaa.

Un kaa kanika.

Un kaa a tínā ko.

Ōo tií kaa.

Ōo tií kaa kanika.

Ōo tií kaa a tínā ko.

Ōo tií kaa nāná ko.

Ōo tií ita tātá ko.

Ōo tií ika a tínā ko.

Ōo tií nani ná ení ko.

15

7

utun itūn

únī ini

núnī nani

kunu kanu

kuka kaka

utun ukun

utun

Kaa utun, tun nīi.

Iní u taka.

Kikana ú tātá ko.

Kaa tātá ko utun.

16

iku ikā

āku aka

kaku kaka

kanu kana

nunu núnī

īnu īni

kainu kaini

Úni ūtun kaa ini akú kān.

Ikān ínī ú taka láā iku.

Nuu a láā iní i kān, iní taka kan.

nákunūu kúnūu

nuu

nuu kúnūu

nákunūu

naa kunaa

nákunāa

nákunūu nákunāa kakunaa

17

nuu naa

kuu kua

kau kaa

kāá na kāna

naa na nāna

nuu i núnī

Kūnaá káa tātá ko.

Īní u káa ñā. Ini akú kān nuu.

Ikān nuu káa ñā.

Kanuu a tínā kó ini akú kān.

Ikān kainu tɨ ata utun kan.

ikān ikā

kakan kaka

káān kāa

tíīn tíī

uun uu

ukun uku

18

8 tuni uni

uni tuni

uku tuku

tuku taku

itu īta

tuni tani

kaitu kaita

utun tutun

úkūn túkūn

túkūn tuku

tutun tutu

itūn itu

katuni kútūni

Katuní tá Skuîntu.

Kukútu tātá ko.

Kaa itú ña.

Nainu túku ña nu nuu ka.

19

iní i kān áta i kān núu i kān

ini útun kān ata útun kān núu utun kān

ini úku kān ata úku kān núu uku kān

ini ukún kān áta ūkún kān núu ūkún kān

náā naá tun naá tun ni ñā

tíīn tíīn u tíīn ú ni ñā

kaini kainí u kainí u tɨ

kakana kakana ña kakana ña ko

īní tɨ ko īní tɨ tun īní tɨ tɨ

nakúnū tún ko nakúnū tún ña nakúnū tún tɨ

tīna tíin nā

kaitu ña kaa itú ña

20

9

ntika ika

ika ntika

aku ntaku

ntaku aku

ntaka kaka

ntátā kátā

ntika

Un ntáa ntika.

Úni ntīka nani.

Uun i iña tátá ko.

Uun i iña náná ko.

Uun i iñá ko.

21

kaikan kaika

kakan kaka

tátān tata

ntátān ntátā

ntakan ntaka

ntaka taka

ntáā náā

tinta tīna

anta ana

kanta kana

kakanta kakana

Ōó ntio kó ntika.

Ōó ntio tá Skuîntú ko ntika.

Kaikan tɨ ́ntika ko.

Kakantánuu tɨ kaikan tɨ.

Ōo tií ikan tɨ ́ntika.

22

10

ntukū ukū

ukū ntukū

uni ntuni

ntukū ntāku

ntutuni ntatuni

Kanantukū ú ntika.

Ntika iñá tá Skuîntu.

Kunâní ko tá Skuîntú ko.

Ōó tuntú u.

23

Kaa utun nínu kān, tun ntika.

Ata úku kan kāa.

¿Óo ntu kaa tun ntika ikan?

Ōó kaa tun ntika.

¿Óo ntu ntio tá Skuîntu ó ntika?

Ōó ntio tá Skuîntú ko ntika.

Ōo tií ikan tɨ ́ntika.

utun ntika

tun nīi ntika nani

úni tun nīi úni ntīka náni

ōó ntio kó ntika ōó ntio ña ntika ōó ntio tɨ ntika

uun i iñá ko uun i iña ña uun i iña tɨ

kunaa kunaa kunaa ini kunaa iní ko

ntukū ntukunūu ntukūnuu ini ntukūnuu iní ña

24

11

eni

Un kaa ná ení ko.

Lētu nani éní ko.

Ōo tií nani nā.

Ōó ntio kó na.

eni ini únī

teni tani tuni

neni nani núnī

nenu nínū nunu

25

Un kaa ná Lētu.

Un ntáa kanika na.

Úna kānika ió iña éní ko.

Ōó ntio na kanika na.

kate kata katu

ítē īta ītu

kaite kaita kaitu

kaine kaita kaitu

ínē īni īnu

nene neni nenu

ēka īka aka

ntēka ntika ntāka

ēku iku uku

étūn itūn utun

ēte ítē útē

26

12

kaeku ēku

ēku kaeku

etu kaetu

kaetu kaitu

ntaetu ntaitu

kaeku

Un kaa ná Lētu kaeku na.

Kūnaá uun kanika na.

Uun kanika ntée.

Ōo éku na.

Ēté na kanika na.

27

īnu ínūu

kunu kúnūu

kanu kanuu

kanta kantaa

kate katee

kūnee kúnūu kūnaa

nee nuu naa

ntee ntuu ntaa

tee tuu taa

teen tūun taan

E nee tátá ko é kūkutu ña.

—¿Nuu ntu nāna o?

—E kunakáte ña. Á tē nee ñá nu nuu ka.

—¿Ñā ntu ní kanteka ña tá Skuîntu?

—Nuu tɨ. Ikān nuu

tɨ ini etun kan, ini

etun núni.

28

¿Kaitu ntu tāta o? ¿Kaita ntu nāna o? ¿Kaika ntu tína o? ¿Kaeku ntu ení o?

Kaitu tātá ko. Kaita nāná ko. Kaika tínā ko. Kaeku ení ko.

¿Óo ntu īó ita? ¿Óo ntu īó kuka? ¿Óo ntu īó ntika? ¿Óo ntu īó kanika?

Ōó īó ita. Ōó īó kuka. Ōó īó ntika. Ōó īó kanika.

Ōó ntio kó ita. Ōó ntio ña kuka. Ōó ntio tɨ ntika. Ōó ntio na kanika.

Ñá ntīo tɨ ita. Ñá ntīo ko kuka. Ñá ntīo na ntika. Ñá ntīo ña kanika.

29

13

ñáñā áñā

áñā ñáñā

āa ñāa

uu ñuu

ñāa kāa

ñuu nuu

ñáñā

Īní tātá ko ñaña, uun ñaña teku.

Ata úku kan kaīka tɨ.

Inu tātá ko. Kūnteku ña nta útun.

Uun ñúu kāntéku ña ikān né, kūtíi ña

nakáku ña kúñu ña.

30

ñáñā nāna

ñúñū nunu

ñāa ntaa

ñuu ntuu

kaña kanta

ñukutū ntukutū

kūñu kunu

íñū īnu

niñu nínū

neñu nenu

naña nāna

íña ñūñu

Un ito ne, kantēká u tá Skuîntú ko,

intukū ú neñu. Īní u iña ñúñu.

Ntīí ñuñú san iña tɨ. Íñu ñūñu tɨńteē tɨ ́ata

tá Skuîntú ko. Ña ni ntío tɨ ntintēé tɨ.

Kañiña o tá Skuîntú ko, īnu tɨ.

31

Ōo tií kaa tá Skuîntu. Ōo tií ntaa kanika.

Ōo tií kaa tɨ. Ōo tií ntaa tɨ.

Ōo tií ika tá Skuîntu. Ōo tií ikan tɨ ntika.

Ōo tií ika tɨ.̄ Ōo tií ikan tɨ.

Ōo tií ékū ná Lētu. Ña ni éku nā iku.

Ōo tií éku nā. Ña ni éku nā.

¿Ntio ntu nto kúñū? ¿Ntio ntu tɨ ́ñuñu? ¿Ntio ntu ña ñaña? ¿Ntio ntu na neñu?

Ñá ntīo kó kúñū. Ñá ntīo tɨ ñuñu. Ñá ntīo ña ñaña. Ñá ntīo na neñu.

32

14

kuēñu ēñu

ēñu kuēñu

ítē kuítē

kuítē kaite

kuetu kaetu

kueku kaeku

kuēñu

Un ntáa kueñu. Ikān nuu tɨ uun tɨ ini

útun kān. Īní u taka tɨ.

Uun a kuéñū san ne, kainu tɨ, kanakunúu

tɨ ini útun kan tē íni tɨ ko. Ikan nukutu tɨ īní

taka tɨ.

33

kuāa kāa

kuāan káān

kuatā kata

akuā aka

ntakua ntaka

É kuntaa nāná ko nínu kān. Kukuíin ña nūni.

Nuni kuáān, núni ntāku. Tee ña ita nu núu ka tē

naínu ña.

Ña kuí kuntētu ná Lētu. Ōó ntio na ita núni

kuaan. Kueku na te kūkuií ña.

akuā aka āku

ntakua ntaka ntāku

kueka kuikā kúkā

kuēñu kuiñu kūñu

kuāa kuíā kuā

34

15

ngūtu tutu

ngūtu kutū

ngāntii kantii

nguii kuii

tun ngueko ngueko

ngūtu

Ngūtú kanakuekū ná Lētu. Ōo tií ekū.

Ōo tií kaa ngútu nā. Kuii teku i. Ōó ntio

ná Lētu ngútu nā. Ōó ntii kanakuēku na.

Nāná ko ne, ñá ntīo ña tekú ña. Ōó ntii

kaeku, kuiní ña.

35

ntika tīna kuēñu ñúñū

tun ntika étūn tínā táka kuēñu íña ñūñu

úni ntīka uun tínā úna kuēñu íñu ñūñu

núnī ngūtu kanika ñáñā

étun nūni uun ngútū úna kānika uun ñaña

étun nūní kuaan uun ngútu kuīi úna kānika ntée uun ñaña teku

¿Iō ntú nuni kuaān? ¿Iō ntú ngutu kuii? ¿Iō ntú kanika ntée? ¿Iō ntú ñaña teku?

Īó nuni kuaān. Īó ngutu kuii. Īó kanika ntée. Īó ñaña teku.

¿Ntīka ntú ikan tɨ? ¿Ntākú ntu ñíi ña? ¿Tāka ntú ínin? ¿Kānika ntú kúnaa?

Ntika ikan tɨ. Ntākú ñíi ña. Tákā íni u. Kaniká kúnaa.

36

16

xakuin akuin

akuin xakuin

uku xuku

ika xika

xuku tuku

xika ntika

xakuin

Uun kuáa kaika ú nī tá Skuîntu. Īní u

xakuin. Nú xūu ntéku tɨ, á xakuin san. Ñá te

kaīka tɨ.

Kuninteé u tɨ, kuíní ko. Ntá tsi ña ni ntío tɨ.̄

Un ito tsi kanakunúu tɨ iní tsaa tɨ.̄

37

xnūnu nūnu

nūnu xnūnu

kāa xkāa

ntaka xntaka

xtuku tuku

xnteku nteku

xéē tee

xáā ñāa

xúū ntuū

ixū iñū

kuxū kūñu

xuxu xunu

Xéē ú xuxuté kān. Ikān íni ú uun a xnúnū.

Ōo tí kaa tɨ kaentíta tɨ nú ité kān.

Ínantukū ú xuxu é kunūú tɨ, uun xuxu íxū.

Naxnūu ú tɨ iní xuxú ne, xnūu ú ntute kuīi.

Ntekú teni a xnúnu san nú ntute kān.

xnūnu

38

17

xoo oo

oo xoo

īo xíō

xíō xoo

xoo xéē

kóō kāa

xoo

Un kaá xoo. Xoó nāná ko. Iku

ñíi ña xoó ña. Xoó ntee. Ñá tē nté

kaa tií kaa xoó ña é kunūu ntute.

Karkani ntaa xóó ña.

39

ítō ítā

ntiko ntika

ókō aka

koko kaka

ixo ixū

xoxo xuxu

xóō xáā xúū

kóō kāa kuu

ntoo ntaa ntuu

koto kata kutu

xoko xaka xuku

ntoko ntaka ntuku

Kantiko nāná ko. Katee ña ita. Íta nūni

xée katee ña. Úni īta xntéku ña nú xīo kan.

Xíxi tsí xntéku ña. Tē ña koto o íta san ne,

koko. Ōo ixó ko te kōko, tsí ōó ntio ko ita

nuni xee. Kakutíī ú te ōko.

40

18

Ixnakáte nāná ko xuxūté kān. Da nénī ña íni ña koo íkān. ¿Xoó iní i te koo ñú kuaan? Dií sa nī xkanuu ña tɨ ne, un ito tsi nakóxonuu ña xoó ña ini ntute kān. Ikān kúnaá xoó ña, uun xoó xee.

Nāná ko ne, un ito tsi ínu ña. Kaxkainu tsi ña ntíkokoo ña. Dā náxee ñá ne, koó da kāxéni ña.

Ōo ixó nāná ko koo. Xú nē, ñá īxó ko tɨ. Ōo tií ito tɨ, kuiní ko.

kakanuu īkanuu xkānuu

kotonuu ītonuu xtōnuu

kotontee ītontee xtōntee

xtōntee xkāntee xkūntée

des:

41

ixo ōo ixó ña ñá īxó ko

ōo ixó ña koo ñá īxó ko tɨ

ixū ixu xūxu ixu tūtu ixu ētun

xuxu íxū tutú ixū etun íxū

ito úni īto óko īto

un ito tsi íñu īto ka

ítā úni īta óko īta

íta nūni xee íta nūni kuaan

kóō koo xáā koo ntéē

koo ñú kuaan koo tɨ ntika

xoo xíō xúū

xoó ntee xió xee xuu xáā

kóxōnuú xoo ntekú nú xio ntekú nú xuu

42

19

dóō óō

óō dóō

îto dîto

dóō kóō

daka xāka

dūkun tukun

doko xoko

dóō

Kanakate nāná ko doó ko. Ōó dentu dōó

ko. ¿Ne iñá ntu nakunúu ú ne, te ña nakáte ña

doó ko?

Xú ne, ñá ini nakaté u doo, tsí xú ne, na

kudií u.

43

ida ita

idu inu

didi dini

kuido kuikō

kudii kutíi

kudiin kutíin

dóō xóō too

ntóō

daka xāka taka

ntaka

duku xuku tuku

ntukū

dūkun xūkun tukun

ntukūn

dute xute tute

ntute

E nainu xtúku ditó ko é ixkuído ña ida. Idú

ña ntekú ña. Ñá te da kūdii ídú ña. Ōó dukun

ntekú ña.

Ixkoto dîtó u dá naxee ña, te nuu é ntaa i é

odo ña ida. Á te odo ña te ūni díko. Dōo diní ko.

44

20

xuu xúū

xee xéē

xoo xoo

kóō kóō

káān káān

ntaa ntáā

xuu

Á te ñá ini nto xoo é xuu. É īni nto

nte nani tátá ko ni nāná ko. É īni ntó nte

nani ná ení ko, ni a tínā ko. Ntá tsi ñá ini

nto nte naní u. Xuú ne, Xtīnu naní u. Ōó

ntuu u.

45

nūu núū

úūn uun

tūun tuun

ia ia

kaū kau

nteu ntéū

Xuú ne, xuu ko dóo kaexnúu. Nūú ko

kade i. Ñá tē nté kaa kaexnúu. Ntē ña kui

káxūú u. Ōó kantoo ko. Ñá kūtií kueén u,

kuiní ko.

Nene núū ko, kaan tátá ko. Ñáā, kaán u.

Ōó ixó ko. Te dií dií ka kaxnúu té tūun ña.

exnúu kaxnúu

kaexnúu

exnii kaxnii

kaexnii

exuu kaxuu

kaexuu

entíta kantíta

kaentíta

46

kata tun kata na kata ō kata u

koto tun koto na koto ō koto u

koo tun koo na koo ō koo u

káān tun káan nā káan ō káān u

xéē tun xée nā xée ō xéē u

núū tun núu nā núu ō núū u

Káan ntō nte nani tátá ko.

Káan ntō nte nani náná ko.

Káan ntō nte nani tínā ko.

Káan ntō nte nani éní ko.

Káan ntō nte naní u.

47

21

tsīdo īdo

īdo tsīdo

iñu tsiñu

āta tsāta

tsāta tāta

tsóō xóō

tsīdo

Ñéē tá Skuîntú intúku tɨ ̄tsídō. Ñá te da

dīi tɨ níi tɨ. Á te iō tɨ ́te uxuni tɨ, uxúni ā tsídō.

Ñá tē nté kaa diní ko níi tá Skuîntú ko a tsídō

san. Ñá tē nté kaa tií ntaa tɨ, a tsído kuetsī san.

Ntaéntita tɨ nú ité kān.

Uun tɨ ne, katsitsí nuu tɨ xuú taan tɨ.

48

tsóō ntoo

tsóō ntōo

tsii ntii

tsāka ntāka

tsūku ntukū

tsitsi ntitsi

Kuentu iñá a tsído ni ā tsoo

Ia ntaa u kuentu iña a tsído ni ā tsoo.

A tsídō sán nē, kuéen tɨ kaika tɨ ni ā tsoo.

Etsin nú ntute ñuu kān kaika tɨ.

A tsoó san ne, dōó kuií kaika tɨ. A tsídō

sán ne, ñá ni kūtií tɨ kuntētu tɨ.

49

―Xuú ne, ia kunūu ú itsi saa ―kaan tɨ.

A tsoó san ne, katsixee tɨ:̄

―¿Nté kui? ¿Nté kui itsi tsikan kúnūun?

¿Ñā ntu te itsi saa é ntion?

―Ñáā ―kaan a tsídō san―, itsi sāá

kunūu u. Nanitaan ko nú ntute ñuu kān. E

kuéēn ú a.

―Āán, Róo ―kaán a tsoó san.

Un kaentíta ntaa tɨ ́kueen tɨ, a tsídō san.

50

tsóō tsóō

tsiō tsíō

tsúūn tsūun

tsūku tsūkun

tsii tsiin

kutsi kutsin

A tsoó san ne, kuéen tɨ ̄dɨ. Dōó kuiī

kueen tɨ. Ntá tsi, kuān te kukuíi tɨ ne, kutíi tɨ

xee tɨ nú ntute ñuu kān. Ikan tsī kanúu tɨ

kadute tɨ. Ōo diní tɨ.

A tsídō sán ne, ñá ni xēe tɨ. Un ito tsi

kúnaá tɨ itsi kān. Tsí xio itsi kueen tɨ. Dōó

dutsī kuiní tɨ. Dōo éku tɨ, a tsído ditsīn.

51

tsixeē xeē

xeē tsixeē

taan tsitaan

diu tsidiu

kutsin tsikutsin

kuétsi tsikuétsi

Katsikuétsi ña ko.

Katsixee ña ntō.

kaîtsi kaîtsi kaitsi núu

katsitsi katsitsi katsitsí nuu

katsitū katsitū katsitu nūu

kadetsiñu kadetsiñu kadetsiñu nii

52

ntsōo tsóō

tsóō ntsōo

tsóō ntsoō

ntsoō ntsuū

Ia ne, katsixeē ú nto:

¿Nté kuī kúnaa a tsídō san?

¿Nté kuī kúkuií a tsoó san?

¿Xoó ntu kui ide i?

¿Xoó ntū e dóo ditsin ī?

53

22

vii ii

ii vii

ite vite

átā vátā

vátā kátā

vii dii

vii

Vii kaxntītsí tātá ko: vi xēe, vi vāa.

Ñá te vī xóō, ñá te vi ntōo, tsí vi xuu

kaxntitsí ña.

Xée vaā ñá é xntii ña ñā é xntitsī ñá

vii ña.

54

xávī dávī

kuvi kúdī

tuvi tuni

uxúvī uxúnī

ntava ntada

ntuvin ntūdin

É kūvi xntítsī ñá vii. Kuviko vii ña, tsi e

kúvi ve. Vii ña do díni iñá vii ña vevíi. Ñá tē

nté kaa ñaa xee ñá vii a ve.

Dōó iō tsíñū vií nāná ko. Íta tee ñā ne,

kadaváa ña nteu é kāxnii ña íta. Kudāka

kúñū tsúūn.

Ōo vaá ko kuvi viko vevíi nu víi kó kān.

55

viko vii ko

koko kóō ko

xoko xoo ko

vite vi ite

viko viko tsuun viko tantaa viko navidaa

vii vi xuu vi viko vi utun

dávī davi xáā davi xúū davi núū

kóō kó vāa ko ntûve kó tseēn

ntute ntute kuii ntute ñuu ntute vîdin

kuii kui dau kui déntū kui ñú tatsin

56

Ñá īni nto nté ō kúvi da xii úva ko. É kūvi

uvi kuia é xíi ña. Kuií xii ña. Tsīi ña davi da

kúvi. Davi xúū. Tsi ntáva ña itsi kān. Odo ña

tūtun.

Dá ntē ntáva davi ne dā náxee ña nu vii kó

kān. Kui daú doo kúvi ña. Dōo káu ña ne, ñá ni

ntūváa ña, tsí xii ña. Dōo kanákaan kó ña.

Tātá ko kuvi ña uva kó vevii.

57

23

xɨxɨ xuxu

xɨɨ xuu

ɨ ́ ɨn̄ uun

tsɨ ̄ ɨn tsúūn

tsɨɨn tsūun

ntɨɨ ntuu

xɨxɨ

Xɨxɨ ́san ne, dōó kade tɨ ma itu tātá ko

kān. Dōó kanantɨɨ tɨ ntɨdi ña. Un ito tsi ntɨ́ɨ ̄

itú ña ve e kuán o kade tɨ. Dōó dutsī kuiní ña.

58

xɨxɨ xixi

xɨɨ xii

xɨku xuku

tɨv́ī tuvi

itɨ itu

etɨ étū

nteɨ nteu

Ñéē ú nī tá Skuîntú ixkoto ntódo u itú

tātá ko. Tsí xɨxɨ ́san doo káde tɨ ma itú ña kān.

Da xéē ú kān ne, koó da kākui dɨɨ dɨɨ xɨxɨ

san ma itú ña. Koó da vāntiñɨ tɨ ntánaā tɨ.

Dā ñiñá tá Skuîntú ne, inu ntɨɨ ́ntɨɨ ̄tɨ,́ a

xɨxɨ ́san. Ntá tsi inuú mii ūvi a xɨxɨ kuétsi vā va

ntaá kudii tɨ. Ɨk̄ɨń ka tɨ.

59

T ɨɨ̄n ú ntuví a xɨxɨ kuétsi san, nātsuun váā

ú tɨ iní tɨn ntaá ko. Nāxee nií u tɨ nu víi kó kan

dā nátsuun ú tɨ xoo.

Ōo tíi de a xɨxɨ ́san. Kañuū ná ení ko tɨ.

Ntá tsi diin tɨ ́dɨ. Uun tɨ ne, ēxi tɨ ́e dɨx́ɨ na.

ñɨɨ́ ̄ñuu ñāa ñii

ñɨɨ ñuu ñaa ñii

ntɨɨ ntuu ntaa ntii

ntɨɨ ntuu ntaa ntii

dɨɨ ̄duu daa dii

xɨɨ ̄xuu xaa xii

60

nú vii kān nú uku kān nú itsi kān

ma víi kān ma ûkún kān ma itú kān

kakui ñɨɨ ñɨɨ̄ kakui ñaa ñaa

kakui dɨɨ dɨɨ kakui duun duun

¿Nee iñá ntū é kakui ñaa ñaa?

¿Nee iñá ntū é kakui ñɨɨ ñɨɨ̄?

¿Nee iñá ntū e kakui dɨɨ dɨɨ?

¿Nee iñá ntū é kakui duun duun?

61

24

kiñúū iñúū

ini kini

eni keni

eden keden

ɨɨn kɨɨn

Kanakueku tātá ko kiñúū. Ōo vá nakuēku ña.

Un ntuvi dá xoxo ña ne, kii ú kiñúu ñā

nchonakueku sa u. Kantakutu kuēén u uun xoo

i ne, kɨtúūn.

Ñeníi tātá ko kiñúu ñā é nakuēku ña vi viko

kan ne, ¿míi ntu vāá kaeku ka? Dōó dutsī

kuiní ña.

kiñúū

62

kêni kini

kidi didi

kidīn vídīn

kɨ́ɨn̄ tsɨɨn

kɨḱū ntɨku

Kanakɨḱu nāná ko doó ko ne, xɨkɨ ña

kúnaa. ¿Nté ntu koo vií ña nakɨku ña? Kɨ́ɨn̄ ú

kɨnantúkū ú xɨkɨ ña.

Dá kuētsi nánií ko. Da nêní ko itíntii u

xɨkɨ san. Idō etɨ ́ko. ¡Ñá te dā kaexnúu do dɨḱɨ!

xāka xuku xɨkɨ

daka duku dɨkɨ

tsāka tsūku tsɨkɨ

ntāka ntukū ntɨkɨ

ntākan ntukūn ntɨkɨn

63

kanuu kúnūu kinuu

kakii kukíī kɨkii

kanantuku tɨ ̄kunantúku ntō kɨn̄antúkū ntɨ

Kueēn ntó kunantúku ntō. Kɨ́ɨn̄ ntɨ ́kɨńāntúkū ntɨ.

da nêni nêni neei

neei kūneei kūnêni

naai kūnaai kūnâni

Da nêní ko itíntii ú xɨkɨ. Kūnâní ko kɨkii ú tsɨkɨ.

nchonakuēku nakuēku

kueku ēku

ēku kueku

nakuēku nchonakuēku

nchonakuēku nchokueku nchokuvi nchovii

Kanakueku tātá ko kiñúū. Kanakɨḱu nāná ko doo. Kɨn̄antúkū ú xɨkɨ.

64

25

Ntuvi xoo sétiembre é ūna xoó san ne,

kaeni ntuu tātá ko katsoo ña ntɨkɨn san ma

itú ña.

Dina kanatsoo vitā ñá nteu san. Da kidáa

kani ntuu ña nāketé xaa ñā á ntɨkɨn san, ni

ntɨk̄ɨn xkú ntudu, ni ntɨk̄ɨn ve ntɨkɨn, ni ntɨk̄ɨn

xaa, ni ntɨk̄ɨn té ngɨmī.

65

Kidáa tē kúvi xeun ntúvi ne, kene á ntɨkɨn

san kidáa ne, kene ve ntɨkɨn, ve úkū, xkú ntutsi,

itu. Dā kéne nē, un ntɨɨ ́ntɨɨ̄ ́īó iña ñá dɨ: ntóō,

naña dɨ, ntītsí kuee, ntītsí vītá, ntītsí doo,

ntutsuun, ntutsutūn, xɨkɨn, xkɨn ntuxu, itú,

nɨñɨ. É un ntɨɨ ̄ne, kakene ma itú san.

¿Vá kāñii ntu ña?

xuku tsūku ntukū

xɨkɨ tsɨkɨ ntɨkɨ

xūkun tsūkun ntukūn

xɨkɨn tsɨkɨn ntɨkɨn

66

Xāví kakuvi Tsi Kanu. Ñéē ú ni tātá ko

ixkuíīn ú dunú ko.

É un ntɨɨ kadiko ña kān: xíkā, ni xīdo, xíō

dɨ,́ ni kɨd̄ɨ, kóō, kutsiu, xuvi, ngatsī, xuve,

kuka, tsíntī; kūñú dɨ, nī tañúū, ntɨv́ī, ntutsi, da

nēé ka nuu i; xaa dɨ, ni ntute vetɨ. É un ntɨɨ īó

é kuiin o.

Ntá tsi diuun kantío.

26

xāvi xavi

tavī tavi

tɨvī tɨv́ī

ntɨ̄vi ntɨv́ī

úvī úvī

náūvi nauvi

xāvi

67

íxī ixi

xɨxɨ xɨxɨ

dentu dentū

ñéñū ñeñu

tsíñū tsiñu

eni ēni

ini inī

kini kini

kani kani

kanu kanu

dana dana

1 uun 11 úxiɨɨ̄n

2 úvī 12 uxúvī

3 únī 13 uxúnī

4 kɨḿī 14 uxkɨḿī

5 úūn 15 xéūn

6 íñū 16 xéun ūun

7 úxē 17 xéun uvī

8 únā 18 xéun unī

9 ɨɨ́n̄ 19 xeun kɨḿī

10 úxī 20 ókō

Kavi ō

68

―¿Nté ntu kaa avi ntɨví san?

―Úni dīko é uun.

―Tāxi nto uní ni. ¿Nté ntu kaa ávi

tāñúu san?

―Uun kúve é uun. Úūn é uun kúve.

―Aan, te kuán ni.

69

diúūn úūn

úūn diúūn

ōko diōko

ávī īdiávī

īdiávī kaīdiávī

―¿Nté ntu kaa ávi dunú san? Dunu

kuîxín san.

―Oko úun kūve.

―¿Dóo ntū aví i, kuan?

―Ntá tsi dóo vaa. Dōo íka vēxi. Un tsi

nte Ñu Koxo véxi.

―¿Vá ntaa? ¿Ña taxi nto é oko?

―Ña kúvī. Kii ntó é oko uvi.

―Aan, te kuán ni. Ūun ntó diuun nto.

―Váā ó ni. Ūun nto diún kuetsi nto.

―Aan, te kuán ni. Dá tevāá dan.

70

lɨ̄xɨ

lɨ̄xɨ xɨxɨ

lāa kāa

laka taka

lee xee

loō ntōo

loxo ntōxo

27 Ñīí tātá ko lɨ́xɨ ̄

dá ñēé ntɨ Tsi Kanu.

Ñá te da kūdii tɨ.

Da náxeé ntɨ ne, un váa tsi kuitá ntɨ. Kídī

nánee ntɨ da kúvi éxi ntɨ ́ita.

Kaeku uni teváa kakana lɨ́xɨ san. Koó da

vāntiñɨ tɨ ́kakana tɨ: ―¡Kɨkɨrɨx́ɨɨ́!

Ntoto dana tātá ko. Dōó dutsī kuiní ñā é

kanantōto tɨ ña.

―Nta víi a ve ne, kaxi ú o ―kaan ñá nī

ntavi a lɨ́xɨ san.

71

lākuin xakuin

luku tuku

lūun tūun

lentū dentū

lentu dentu

kuli kudi

Lētu Lītu

Līku Tsīku

lulu xtūlu

tsilu tsiñu

tsilantu tsidantu

Ná Lētú ne, dōo ení nuu na láa āna na.

Ñā xkúntení nāná ko e kuan koo víi na. Ntá tsi

dóo loo na. Ñá te kākuintixe na é kakaan ña.

Kuān te tuun ña lóxo na. Dōo diín na ne, dōó

duxen de na.

72

28

meku eku

eku meku

iku miku

miku meku

meku nteku

mītsin ditsīn

meku

Un váa tsi meku ná

Lētu. Kanadɨkɨ ̄ná máa i

kan ni na kuetsī. Kanangotūví

lúntsi na kúñu na nú ité kān.

―¡Lá laá ko, lɨ ́lɨɨ ́ko! ¡Ōó tíi dē u! ―kaan na.

Ntá tsi dóo xee dúnu na. Un ito tsi tavi ná xen

nteu.

―¡Kamán san! Nadaman doo o ne dá kūtsin ve

―kaan náná ko ni nā―. Ōó ntexén kaan.

¿Míi ntu vāá ka dunu xee o? ―kaan ña.

73

mixtun

mau kau

míī níī

kama kana

dāma dama

tsumē tsume

kami kavī

Kɨḿi ā mixtun

ntóo tɨ nu víi ntɨ ́kān.

Xoó māu kan káku tɨ.

Ōo tíi de tɨ ̄ntánadɨkɨ ̄tɨ. Dúme tɨ katɨɨ̄n tɨ.

―¡Vítsin, vítsin, vítsin! ―kaan náná ko,

kakana ña tɨ é kixkoo tɨ dɨḱui.

Véxi tɨ ̄ngɨmi tɨ, véxkōto ntodó tɨ nee iña

é īó te kaxí kudii tɨ. Kanauvi nuu tɨ koo tɨ ne,

kade tóō tɨ ́dɨ. Kaido núu kuaan kuaan iní

dukun tɨ.

―¡Meú! ―kaan tɨ.

ngɨmi kɨḿī

ngɨñūu kiñúū

ngexēn kexēn

74

29

tun tsi lɨ́xɨ ̄

Ia ntaa ntɨ ́kuentu iñá tun tsi lɨ́xɨ.̄

Uun ntuvi ne, kūvi viko é uun xoo máū ne,

xntitsī ñá tun tsi lɨ́xɨ ̄san nú ūkún kān.

75

Kidáā ne, natakánuu un ntɨɨ ́ntɨɨ̄ ́ña Má

Ñūú san. Kidáā ne, uun ñatīi kuxée ña utun san

ntaa déen āta i. Ntɨvī kueen, kuíní ko. Ntá

tsi rkaa ntute vetɨ dɨḱɨ i kan ne, nī doo dúkūn,

ni ñɨɨ̄, ni lɨ́xɨ san dɨ, ni ā diuun kúdii dɨ.

Te kūtíi ña é kāa útun sán ne, níī ntɨ́ɨ ñā

é ōdo dɨḱɨ i kan. Ntá tsi kutíi ña xée ña ne,

níi ña. Dukuan kaitō dîtó ñaa san ña dá

kūnúu ña ne, koó da kaīnu ntii ña.

Dā xee ñá dɨkɨ i kán ne, nákōxó ñā é ōdo

dɨḱɨ i kan. Tɨtɨń ñaā ntáñɨ ̄ña, kade ña kuenta

é natɨɨn ña ña tē koxó ña nteku dɨḱɨ i kan. Tē

koxó ña dɨ ne, natɨɨn ña ña.

Kidáā ne, un ntɨɨ ́ntɨɨ̄ ́ñaa kátunuu ntaa

ña, tsi kúvi idē ña.

Ia tsi ntɨ́ɨ kuentu iña tun tsi lɨ́xɨ.̄

76

tdūvi ūvi

ūvi tdūvi

ūun tdūun

uxi tduxi

ume tdume

tdūvi

Tdūvi kade váa nāná ko. Ntekú kɨd́ɨ ̄tdúvī

nchúun kān. Kanāntii náná ko uxen i. Xnuu

taán ña xɨdɨ ́dɨ ni xen ntutsī ne, dá katsuun

taán ña xku ntítsutē.

Dōo vá exí tdúvi san, kuiní ko.

30

77

tdume dume

tduu duu

tdɨ́ɨn̄ dɨ́ɨn̄

tdiko diko

kɨtdɨ̄ɨ dɨɨ ̄

tdūvi tsuvi

tdūun tsúūn

tduu tsūu

tdɨ́ɨn̄ tsɨɨn

tdume tsume

tdume

Ntío nāná ko é kɨkuidó u tutun ne. Ñéē ú

un tsi nte Té Tdenu kān ixkuidó u tutun san.

Ikān ne, da nêní ko kuxeé tdume dɨ́ɨn̄ ko.

Tdume diin. Nini tɨ má tdɨɨn ko.

Dá kaēnté u tutun san ne, xée tɨ ̄dɨ́ɨn ko.

Un váa tsī xóo xee tɨ.̄ Ñá tē dó dɨḱɨ dó dɨḱɨ nī

exnúu. Dií sa ni ēkú u.

78

naxnuu taan natsuun taan

xnuu taan tsuun taan

kunuu taan kuun taan

kade váa kade

kade kade váa

kade váa kade tsiñu

Kade váa nāná ko tdúvī. Kade tsiñu tātá ko. Kade duxen ná ení ko. Kade diín a xɨxɨ ́san.

dōo váa ñee dōo váa exi dōo váa ekū

dōo xoó ñee dōo xoó exi dōo xoó ekū

dōo tií ñee dōo tií exi dōo tií ekū

Dōo váa exi tdúvī. Dōo xoó ñee kúñu tēu. Dōo xoó xee tdúme. Ñéē ntɨ ́un tsi nte Té Tdenu kān. Ñéē ntɨ ́un tsi nte Ñú Koxo. Ñéē ntɨ ́un tsi nte Nu Ntuve.

79

31

rūntu untū

ava rava

rava tsava

rūntu tsuntu

untū rūntu

Tá Skuîntú ko ne, runtu dūme tɨ. Tsí teu

dá ku ɨḱɨn tɨ. Exí taan tɨ dume tɨ da teú ne,

kóxō kueen. Vevíi ne, runtu kuēen tɨ.

Dōtó ntio tɨ é nakuiko tɨ nē, da kanɨɨ étɨ tɨ

kaikō. Da dínī kueen ko é kade tɨ. Da miī á idi

dume tɨ ́kakanta. Ná Lētú nē, da rko tsíñu na

nadɨkɨ nii na tɨ e dóo luku de tá rūntú ko.

rūntu

80

Kuentu iñá tríta, kɨtɨ

kaika ntee útun san.

Kuēé dɨkɨ tɨ ne, ntee tɨ ̄dɨ. Un tsi vantiñɨ tɨ ́

ntántau tɨ te íni tɨ ñaa san. Ntá tsī dóo ini ntava

tɨ te íni tɨ ñaa san dɨ.

Ini éxi tɨ ntɨdi dɨ, ntītsí dɨ. Kaito tɨ te ntaka

tóo ī é kɨɨn tɨ kɨkáxi tɨ. Ōó ini éxi tɨ ̄tɨ ntáku dɨ.

Vata dá kaitantixin ñaa itsi kān né, dōo

ntantáva tɨ kanakodo tɨ dɨkɨ utun kan. Kakui rɨɨ

rɨɨ kantáva tɨ.

trīta rīta

rīta trīta

lāna trāna

letra litru

tɨ ́rāu tsi rútē

trīta

81

32

rkaka kaka

kuu rkuu

kunū rkunū

kadun rkadun

katsi rkatsi

kaka rkaka

rkaka

Ñá tē nté kaa kade rkaká Tū Káka kān mí

kaa itú tātá ko. E dóko sā ntɨ́ɨ ̄ntɨdi itú ña

kaexi tɨ. Xkaa ña laká vata koo e úvī tɨ. Ntá

tsī ¿míi ntū idiávī? Tsí kuan tsi ō éxi tɨ.

Un ntuvi ñee ñá ixnakuíte ntée ña tɨ.

Kúnūu nii ña tɨ nu víi ña kān ne:

―¿Nté kui éni nto ntaví a kɨtɨ san? Tsi

dóo tií kaa tɨ ―kaan náná ko.

―¿Óo ntu tií kaa tɨ, kuiní o? Tsí xuú ne,

dōó dutsī kuiní ko ni tɨ ̄e ntɨ́ɨ itú ko éxi ti.

82

rkuitɨ kuitɨ

rkueɨ kueɨ

rkuaan kuāan

rkii kii

rkīdin kidīn

rká kāni

Odo rkuitɨ iní viī kó kān. Odo vāa nú

rkunu kān.

Un ntuvi ne, ixkíī ú rkueɨ ne, kúxeē ú iní

vii kān é nakuidó u rkuitɨ. Kúxeē ú ne, ntá tsī

da kuétsi xetáan ntaa ko.

Rkuitɨ ́san katɨɨn ntaā ú ne, da kúduvā kó

tsí uun tɨ ne, dōó idi tɨntaa tɨ.̄

¿Vá rkuitɨ ntu? Tsí rká kāni katɨɨn ntaa u.

Dií dií sa ni kōxó u ñúu kān da kútuní ko tsí

rká kāni.

83

íxnakuīte ntée nákuīte ntée

kuíte ntēe íte ntēe

ntee

ntee íte ntēe

kuíte ntēe nákuīte ntée

íxnakuīte ntée

Íxnakuīte ntée tātá ko rkaka.

kakui rɨɨ rɨɨ kakui dɨɨ dɨɨ

Kakui dɨɨ dɨɨ xɨx́ɨ.

Kakui rɨɨ rɨɨ trítā.

Kakui roo roo íxi ko.

Kakui ruun ruun ntūtsi.

Kakui duun duun mákīn.

kakui ruun ruun kakui duun duun

84

33

cháā áā

ūun chūun

cháā ntaa

chūun tsūun

áā cháā

cháā

Ia ntaa ú kuentu iñá chaa tátá ko.

Tsí rkuú san dóo kaéxi tɨ ne, ntio ña é tɨɨn

ñā rkuú san.

85

chīi xii tii kii

chōo xoo too kóō

chaa xaa taa kāa

cháā xaa taa kaa

chóō xoo tōo kóō

Xkaa ña deɨ ̄xoo diñɨ chaa ña ma cháa kān.

Da rko ntúvī ñeé ntɨ ni ña ma chaa ña ne,

ikan ntītsí rkuú san tɨɨ́n nuu tɨ deɨ ̄xoó san.

Nii tātá ko chii é kanī ñá tɨ. Ntá tsi xuú

ne, xee ú dina ne nakākú u tɨ.

¡Dii dii dii dií sa ni xée ña ko chīi san!

Ia ntɨɨ kuentu iñá rkuu, kɨtɨ kaexi chaa

tátá ko.

86

34

nchuve uve

uve nchuve

ūun nchūun

okō nchokō

nchuve

nchūun

Rkaa nchuvé diñɨ nchúun kān. Ikān nuu

ná Lētu kakídi na, tsí nchokuvi na. Kani dóo

kaxée na.

87

nchaā cháā

nchokō xoko

nchavī xavi

nchuve xuve

nchūun chūun

Xkini ñeé u ixkakán u choo nú vii medíku

kān:

―Vií nto da xee kukada choo nto ná ení ko.

―¿Míi na kade i?

―Ixí na kanguntii ne, kantuxen na ne,

kani dóo kaxée na. Kueēn ntó, kukuee nto xɨkɨ

tá chētɨ ́na.

―Ña túvi choo iña kuii saa. Mii tsi ncha

katɨ kōo na ne, kuēníi nto ná o nte Kucháña o

nte Té Nchoō, tsí nchokuví kueen na.

88

katɨɨn ntaā tɨɨn ntaā

ntaa

ntaa tɨɨn ntaā

katɨɨn ntaā

katɨɨn ntaā katɨɨń ntee katɨɨń nuu

Tɨɨ̄n nuú rkuu deɨ xóo.

Tɨɨn ntaā ú rká kāni.

Tɨɨ̄n nteé tɨ ntaa ko.

Ña ni ntío tɨ ntii ntēé tɨ.

da rko ntûvi da rko tsíñū

da rko tsíñū tsūn rkó tsiñu

Da rko ntûvi ñeé ntɨ má chaa kan.

Da rko tsíñu ná Lētu narkɨnii na a xɨxɨ ́san.

Tsūn rkó tsiñu tɨ éxi tɨ e dɨxɨ na.

89

máa i kān núu i kān iní i kān

ata i kān etɨ ́i kān

xée i kān

diñɨ i kān dɨkɨ i kān

méñu i kān

ma víi kān ta víi kān

nu víi kān

iní vii kān nínu vii kān diñɨ vii kān

Xkāa ña deɨ xóo diñɨ chaa kan.

Kídī ná Lētu diñɨ nchúun kān.

ma chaa kan ma cháa kān

diñɨ chaa kan diñɨ cháa kān

90

35

smīi mīi

mīi smīi

ia sia

kuii skuii

kuve skūve

kuīntu skuîntu

smīi

Kaeku kaá skuela. Kaeku ɨɨn teváa kaeku ne,

kaeku uni kuáa. Xuú ne, kañee ú skuela. Utén

utén kañee ú kanakuaa u. Tsí ntio tātá ko é

kūtúve ko.

Ntá tsi na kuetsi duxēn sán ne, ñá te kāde

ntaa ná vi skuela kan. Da mi kuēen tsí smíi katɨɨn

na, nī skúvē. Odo na kuādernu ná ne, dotō tsí

katsoo na ñuu kān.

¿Neé ntu ntuvi kutúve na?

91

siin diin

asu āku

lūsun lukun

ntēsku nteku

skuilu skuîntu

sáā xaa

Vata dá kañee ú skuelá ne, kañee tá

Skuîntú dɨ, kantīkɨn tɨ ́ko. Ōo tíi dē tá lūsún ko.

Dá kanakuaā ú ne, ikan tsī tuví tɨ má mēsá ko.

Diin diin diin diin tsi tuví tɨ. Ñá tē neé kade tɨ.

Kaito xtɨ xtá mastrú dá kanākuaa xtá ntɨ.

Ntá tsī ¿míi ntu kakūtúve tá Skuîntu?

Nté uun letra ña kaínī tá lūsún ko.

92

¿Nté ntu ó de nto? Diin diin tuví u.

¿Neé ntu kade nto? Ñá tē nee.

¿Míi ntu kɨɨn nto? Ñá tē míī.

¿Amá ntu naxee nto? ¿Amá ve?

¿Xoó ntu kɨnii nto? ¿Xoó ni?

¿Nté kui kɨɨn nto? ¿Nté o ni?

¿Neé ntu ura vevíi? Kaeku ɨɨn teváa.

¿Neé ntu ura kɨ́ɨn o? Kaeku uxi nɨɨ̄ ́nɨɨ̄.

Tsixee ō

vévii tévāa kuaa niñú a

kuaá ve kuaá ūten kuaá īda kuaá iku

niñú ve niñú ūten niñú īda niñú iku

kaeku ɨɨn teváa kaeku uun teváa

kaeku ɨɨn teváa kaeku ɨɨn kuáa

93

36

Kuentu iña étun núni

Ia ntaa ú kuentu iña étun núní san.

Nāná ko ne, nātsuun váa ña nuni ña ini

etún san. É tɨt̄ɨń ntuvi ña káde ña kuentá ne, da

kíi ña nuni é kadāváa ñā é kunūu ntáku ñā. Da

kúduva ña é kōo da mii xtɨñ́ɨ ñuu tɨ iní i kān.

―¿Nté ntu o kukɨ́vi tɨ? ―kaan náná ko―.

Tsí katāvi núu xuu etún san ―kaan ña.

94

Ntá tsi da íni ña ne, da kudúva ñā é ikan

ñūu tɨ etɨ étún san mí tūví ñuu kān. Ne tē íni

tɨ tsí kukií ña nuní san ne, koó da kaīnu tɨ

kantɨ́vi tɨ xavi tɨ má ñuu kān mí ñuū ixá tɨ.

Odo tɨ nūní san, kueníi tɨ.

Kakaan náná ko:

―¿Míi ntu kāñee núní ko é utén utén ne

dōó kuee kantii ntee? ―kaan ña.

¿Míi ntū? Tsí lísēn sán kañenii tɨ, kaexí

a lisen ɨkɨń san.

―¡Tsiin tsiin! ―kaan tɨ.

Ia ntɨ́ɨ kuentu iñá kɨtɨ ñuu iní etun núni.

95

pātu 37

pātu ātu

ātu pātu

iña piña

pañu dañu

pāa laa

pusu musu

pātu katu

Únī pátu īó iña náná ko. Ñá te vāá kade tɨ.

Uun a pátū ne, kañee tɨ útē pusu kan, kaixkutu

núu tɨ ntute san. Kaduté tɨ dɨ. Niñú a ne,

kaixduté tɨ dɨ.

Ikan tsī énintuu tɨ ̄táxi tɨ. Ikan tsī xtúvi tɨ

ntɨvi tɨ.

Da ñée nāná ko úte kan nē, da kuduva ñā

é ikan tuví xaa ntɨvi tɨ. Nākii ña ne, dá kūntínii

ña nu víi ntɨ ́kān. Kakaan ña:

―Uun a pátū kó ne, ikan dōtó tuví ntɨvi tɨ

úte kan ne, nākii u ―kaan ña.

96

Pedro Pēlu

Pīna Līna

Līpa Līta

Lūpe Lūle

Pēlu Mēlu

Xó prēferu kuíā ntɨ́ɨ ko kān ne, ñéē ntɨ ́

pasia ni tátá ko Pedro. Un tsi nte Ñu Koxó ñéē

ntɨ ́ni ñā.

Ñéē ntɨ ́ixkotō dîtó ntɨ méñu i kān mí ntitsi

Palacio Nacional. Ikan tūví Predente Ñu Koxo

kade tsiñu ña. Dōó vá o.

Ñéē ntɨ ́pasia ini Métru dɨ, dɨvi vii é kaika

má ñuu kān. Un kantɨ́ɨ tsi kaika, ntá tsī ¿míi

ntu kákañuu? Diin diin tsi kaika.

Táxi tātá ko itsi é kɨ̄ɨń ntɨ parke kán dɨ.

Dōó īo ána kadiko ña ikān, nī un ntɨɨ ́ntɨɨ̄ ́nuu i é

kaxi o: paletá dɨ, ni vīdin; skūvé nuní dɨ. Dōo

diní ko ñéē ú pasia Ñu Koxo.

97

38

sīrku īrku

īne sīne

sine nine

sinta kadinta

īrku sīrku

sīrku

Sīrkú kakuvi Té Nchoō da itantíxīn ntɨ ́ni

tātá ko. Ñá te da ūún sientu ñáa xee ña é kotō

díto ña. Tsi dóo vá o kúvi.

Ntá tsī dóo nchokō má vī doo kan é kuān

nte ntoó ñaa san.

Dōo éxī ú skúvē nuni. Óko sēntavu é un

pakete i. Dōo éxī ú tɨr̄áū dɨ. Úvi dīko séntavu é

un pakete i. Ntaika na kuetsi ntadíko nā.

98

sientu dentū

sientu kuentu

siudaa Kulaa

sentavu kantadu

Sirilu Sirenia

Ñúū ntɨɨ ́ntɨɨ̄ ́kɨtɨ san dɨ; ñáñā dɨ, ni ósō.

Tɨtɨń idú dɨ.

Ntitsí ntōdó ñaa san ata idú ne, ñá te

kairkāa ña tɨ. Kuan te kaikō tínuu tɨ ne, ñá te

kākóxo ña.

Ñáñā sán dɨ ne, dōo toó tɨ. Ntekú tɨ nú

sīá dɨ.

Uun ósō sán ne, kaitee tɨ.̄ Ōó luku kaa tɨ.

Ñīi ú tɨr̄áū é kaxi tɨ. Dōo diní tɨ.

99

39 elefante

Kɨḿi elēfanté san ñuu tɨ dɨ. Ñá te da kūdii

dɨ́ɨn tɨ.̄ Dōó tsɨɨn̄ kúñu tɨ ̄dɨ. Ōo do nchuví

ntáa tɨ te xeē étsin o nūú tɨ kān.

Dítsin tɨ ntárkāa tɨ dume taan tɨ, ntáikō

tínuu tɨ.

Ntánchɨtɨ tɨ ̄dɨ te kakaan tóo tɨ.̄ Dií dií ka

ntio kó elefanté san.

Dā ntíī ntɨ ́ne, ixkotō dîtó ntɨ tɨ. Odō ntɨ ́

tɨr̄áū é kaxi tɨ. Ntá tsi da nêní ko daví tɨ ko

ntute é ñuū ditsin tɨ. Ōo tsíi u.

100

payasu

Ōó luku de á payasú san. Uun á payasú san

ne, ōó ntsɨkɨ ña. Uun ña ne, va va kaa lusun ña.

Dōó xtɨ́ntɨ ̄ña. Dōó tsampa ña dɨ.

Kanarkɨn̄ii ña pílota ne, dōo ntáva ña, tsí

nanu kueen sápatu ña. Dōo xkuntée ñaa.

101

NOTAS PARA EL MAESTRO

Las lecciones presentadas en este libro de lectoescritura podrán ser adaptadas tanto para la enseñanza de grupos de alumnos en la escuela como para la de una persona en su hogar, pero siempre se necesitará la ayuda de una persona ya alfabetizada que domine el idioma mixteco.

Cada lección consta de cuatro partes fundamentales:

1. Palabras claves

2. Lectura

3. Ejercicios

4. Escritura

Las lecciones tienen de dos a tres páginas cada una. Se sugiere que los alumnos principiantes estudien sólo una página por clase. Los que ya sepan leer en español podrán seguir más rápido, según el juicio del maestro.

La primera lección introduce tres letras: n, t, y a, y dos tonos, el bajo ¯ y el alto ́. La introducción de las nuevas letras se hace de la siguiente manera: En la primera página de la lección se usa la nueva letra en la sílaba tónica o primera sílaba de la copla. En la segunda página de la lección se usa la nueva letra en la segunda sílaba de la copla. La letra mayúscula también se introduce en la segunda página. Después de cada dos o tres lecciones hay una página de ejercicios de repaso para afirmar lo que el alumno ha aprendido y saber si está listo para seguir con la próxima lección.

Para principiar, cada alumno deberá tener a la mano su propio libro de lectoescritura, un lápiz y un cuaderno rayado.

El procedimiento para cada clase es el siguiente:

El maestro señalará la ilustración y la palabra clave al alumno para que él las identifique. Después de repetir tal asociación varias veces, el alumno buscará por sí solo la palabra en otras partes de la misma página.

Después el maestro leerá la primera lectura, oración por oración, haciendo que el alumno repita después de cada oración lo que él acaba de leer. Si se encuentran palabras o frases desconocidas, el maestro ayudará al

102

alumno a reconocerlas. Luego el alumno tratará de leer la lectura por sí solo y deberá seguir practicando hasta que pueda leerla con facilidad.

Los ejercicios que se encuentran en los cuadros son de tres clases: analíticos (quitando una letra), sintéticos (agregando una letra) y sustitutivos (cambiando una letra por otra). Las palabras o coplas en cada cuadro se leen de arriba a abajo, notando la diferencia entre ellas. No tiene mucho caso poner atención en los significados de ellas sino que en los sonidos que las distinguen, pues no todas tendrán significado por separado.

La segunda lectura la lee el alumno, después de haberla estudiado en silencio por unos momentos. El maestro deberá estar atento para ayudar con palabras o frases desconocidas que el alumno encuentre, pero debe dejar que el alumno trate de leer solo. El maestro deberá asegurarse siempre de que el alumno ha entendido lo que ha leído, haciéndole preguntas sobre el contenido de la lectura.

Al terminar cada lección el maestro enseñará al alumno a escribir la nueva letra, señalando con la mano la dirección en que se escribe. Luego el alumno escribirá palabras y oraciones cortas que empleen la nueva letra. También se le dará oportunidad de escribir palabras y oraciones de su elección. Se espera que para antes de terminar de estudiar toda la cartilla, el alumno se anime a escribir algo de su propia experiencia.

103

NOTAS SOBRE LAS LECCIONES

Lección 1 Enseñar: n, t, a; tono bajo ¯ y tono alto ́. Hacer notar la diferencia entre átā ‘espalda’ y atā ‘viejo’. Escribir: n, t, a; nāna, tāta, átā, atā.

Lección 2 Enseñar: i, I; uso de la letra mayúscula y del punto en la oración. Hacer notar la diferencia entre ítā ko ‘mi tortilla’ y íta kō ‘nuestra tortilla’. Escribir: i, I; ítā, ini, ia, ita íā, ita átā. Iní tātá ko ita.

Lección 3 Enseñar: A; uso de la letra mayúscula en nombres propios. Hacer notar: el significado diferente a lo esperado de las dos últimas oraciones por el cambio de tono: Ata tātá ko. ‘Mi tío es viejo’. Ita nāná ko. ‘Mi tía cantó’. Escribir: A; Anita. Anita nani náná ko.

Lección 4 Enseñar: k, K. Escribir: k, K; kāa, kāá kani, kanika. Kanatāká nāná ko kanika.

Lección 5 Enseñar: ti, T; tono alto-bajo ˆ . Hacer notar: Las mujeres pronuncian la sílaba ti como chi. Escribir: T; tīna, a tínā, kakatā. Kakata āta i.

Lección 6 Enseñar: ai. Escribir: kaika. Kaika a tínā kó ni tātá ko. Áta tātá ko kaika.

Lección 7 Enseñar: u, U, N; la n final; uso de la coma. Hacer notar: La n al final de la palabra indica que la palabra se pronuncia

a travez de la nariz. Escribir: u, U, N; utun, āku, ini akú kān, ikān. Úni ūtun kaa ini akú kān. Kūnaá káa tātá ko. Ini akú kān nuu.

104

Lección 8 Enseñar: tu. Hacer notar: La sílaba tu se pronuncia tyu cuando no termina con –n. Escribir: tuni, tuku, itu, tutun. Nainu túku na nu nuu ka.

Lección 9 Enseñar: nt. Hacer notar: La nt se pronuncia como la nd de ‘mandar’; las mujeres

pronuncian la sílaba nti como nchi. Escribir: ntika, ntaku. Un ntáa ntika. Ntio kó ntika.

Lección 10 Enseñar: ntu; los signos de interrogación. Hacer notar: La sílaba ntu se pronuncia ndyu. Escribir: ¿ ?; ntukū, ntuni, tuntu. Kanantukū ú ntika.

Lección 11 Enseñar: e, te. Hacer notar: Las mujeres pronuncian la sílaba te como che. Escribir: e, eni, ēku, étūn. Lētu nani ná ení ko. Ōo tií nani nā.

Lección 12 Enseñar: ae, E; uso del guión mayor. Hacer notar: La a de kaeku casi no se oye; se fusiona con la e. Escribir: kaeku, kaetu. Kaeku ná Lētu. Ēté na kanika na.

¿Kaeku ntu ná ení o?

Lección 13 Enseñar: ñ, Ñ. Hacer notar: La i de un ito ‘una vez’ no se oye. Se pronuncia como una sola palabra. Escribir: ñ, Ñ; ñáñā, kūñu, íña ñūñu. Īní tātá ko ñaña. Kūtíi ña

nakáku ña kúñu ña. Īní u iña ñúñū. Ñá ntīo na kúñū. Ñá ntīo ña neñu.

Lección 14 Enseñar: ku. Escribir: kuēñu, kueku, kuāan. Kainu a kuéñū. Kukuíin nāná

ko nuni kuāan. Kueku na te kūkuií ña.

105

Lección 15 Enseñar: ng, ngu. Escribir: ngūtu, ngāntii, ña nguii, tun ngueko. Ngūtú

kanakueku nā. ¿Iō ntú ngutu kuii?

Lección 16 Enseñar: x, X. Escribir: x, X; xakuin, xúū, xnūnu, xuxu íxū. Nú xūu ntéku á

xakuin. Ntekú teni a xnúnu nú ntute kān.

Lección 17 Enseñar: o, O. Escribir: o, O; xoo, xíō, kóō, ókō. Iku ñíi nāná ko xoó ña. Ōó

ntio ko ita nuni xee. Ōo ixó ko te kōko.

Lección 18 Repaso. Hacer notar: La i a veces no se pronuncia en frases como xuxu íxū,

tutú ixū, etun íxū, íñu īto, y un ito. Escribir: xkānuu, xkūntée. Ixnakáte nāná ko xuxūté kān.

Kaxkainu ña ntíkokoo ña. Ōo ixó nana ko koo.

Lección 19 Enseñar: d, D. Escribir: d, D; dóō, dito, ida, didi. Ōó dentu dōó ko. Ñá te da

kūdii ídú ditó ko. Dōó dukun ntekú ña.

Lección 20 Enseñar: . Escribir: ; xuu, kóō, káān, tūun, kau ō. Xuú ne, Xtīnu

naní u. Dōó ntuu u. Xuú ne, xuu ko dóo kaexnúu. Nūú ko kade i. Káan ntō nte naní u.

Lección 21 Enseñar: ts, nts. Escribir: ts; tsīdo, tsóō, tsōo, tsāka, tsitsi. Dōo tíi de a tsído

kuetsī. Kuéen a tsído ni ā tsoo. Dōó dutsī kuiní a tsído ditsīn.

106

Lección 22 Enseñar: v, V. Hacer notar: Hay palabras que se pronuncian casi igual como frases, por ejemplo: viko ‘fiesta’ y vii ko ‘mi casa’. Escribir: v, V; vii, viko, xávī, vevii, ko ntûve, ntute vîdin. Vii

kaxntītsí tātá ko. Kuviko vii ña, tsi e kúvi ve. Tātá ko kuvi ña uva kó vevii.

Lección 23 Enseñar: ɨ, Ɨ. Escribir: ɨ, Ɨ; xɨxɨ, tsɨɨn, ntɨɨ, xɨku, itɨ, ntɨɨ. Xɨxɨ dóo kanantɨɨ

tɨ ntɨdi ña. Koó da kākui dɨɨ dɨɨ tɨ. Īnu ntɨɨ ́ntɨɨ ̄tɨ. Tɨɨn ú ntuví a xɨxɨ kuétsi.

Lección 24 Enseñar: k, K; los signos de interjección. Escribir: k, K; ¡ !; kiñúū, keden, kɨɨn, kidīn, kɨ́ɨn̄, kɨḱū.

Kanakueku tātá ko kiñúū. Kanakɨḱu nāná ko doó ko. Xɨkɨ ña kúnaa. Kɨ́ɨn̄ ú, kɨnantuku ú xɨkɨ ña. ¡Ñá te dā kaexnúu do dɨḱɨ!

Lección 25 Repaso. Escribir: tsɨkɨ, tsɨkɨn, ntɨkɨ, ntɨkɨn. Kanāketé xaa ñā ntɨkɨn.

Kidáa kene un ntɨɨ ́ntɨ ̄ ɨ.

Lección 26 Enseñar: v, n, nt, ñ, x; di. Escribir: xāvi, dúnū, kani, ixi, xɨxɨ; diúūn, diōko. Xāví

kakuvi Tsi Kanu. ¿Nté ntu kaa ávi dunu kuîxin? Un tsi nte Ñu Koxo véxi. Ūun nto diuun nto.

Lección 27 Enseñar: l, L. Escribir: l, L; lɨ̄xɨ, lāa, lee, loxo, lūun, lentu, lulu; Lētu,

Līku. Kaeku uni teváa kakana lɨ́xɨ. ―¡Kɨkɨrɨx́ɨɨ́! Dōó loo ná Lētu. Katuun ña lóxo na.

107

Lección 28 Enseñar: m, M. Escribir: m, M; meku, mītsin, mau, tsume, mixtun, ngɨmi. Kɨḿi

ā mixtun ntóo tɨ nú vii ntɨ ́kān. ―¡Meu! ―kaan tɨ.

Lección 29 Repaso. Escribir: tun tsi lɨ́xɨ.̄ Ntɨvī kueen tun tsi lɨ́xɨ.̄ Natakánuu un

ntɨɨ ́ntɨɨ̄ ́ña Má Ñūú é kotō dîtó ña.

Lección 30 Enseñar: td. Escribir: tdūvi, tdume, tduu, tdɨ́ɨn̄, kɨtdɨ̄ɨ. Tdūví kadeváa

nāná ko. Nini tdume má tdɨɨn ko. Ñéē ú un tsi nte Té Tdenu kān, ixkuidó u tutun.

Lessión 31 Enseñar: r, tr. Escribir: r; rūntu, rava, trīta, trāna, letra, tɨŕāu. Dōó luku de

tá rūntú ko. Kakui rɨɨ rɨɨ tríta kantáva tɨ.

Lección 32 Enseñar: rk, R. Escribir: R; rkaka, rkuu, rkadun, rká kāni, rkuitɨ, rkueɨ. Ñá tē

nté kaa kade rkaká Tū Káka kān. Odo vāa rkuitɨ nú rkunu kān. Rká kāni katɨntaa u.

Lección 33 Enseñar: ch. Escribir: cháā, chūun, chīi, chóō. Rkuu dóo kaéxi tɨ chaa

tátá ko. Xkaa ña deɨ ̄xoo diñɨ chaa ña ma cháa kān.

Lección 34 Enseñar: nch. Escribir: nchuve, nchūun, nchokō, nchaā, nchavī. Rkaa

nchuvé diñɨ nchúun kān. Kuēníi nto na Té Nchoō, tsí nchokuví kueen na.

108

Lección 35 Enseñar: s, S. Escribir: s, S; smīi, skūve, lūsun, skuilu, tá Skuîntu. Da mi

kuēen tsí smíi katɨɨn na, nī skúvē. Dōo tíi dē tá Skuîntú ko kañee tɨ skuela.

Lección 36 Repaso. Escribir: ―¿Míi ntu kāñee núní ko é utén utén ne, dōó

kuee kantii ntee? ―kaan ña.

Lección 37 Enseñar: p, P. Escribir: p, P; pātu, pāa, pusu, Pedro, Pēlu, Lūpe. Uun a

pátū ne, kañee tɨ útē pusu kan. Xó prēferu ñéē ntɨ ́pasia ni tátá ko Pedro. Ñéē ntɨ ́mí tuví Predente Ñu Koxo.

Lección 38 Enseñar: si, se. Escribir: sīrku, sīne, sinta, un sientu, Sirilu, Sirenia. Sīrkú

kakuvi Té Nchoō. Óko sēntavu é un pakete skúvē nuni. Uun ósō sán ne, kaitee tɨ.̄

Lección 39 Enseñar: f, y. Escribir: f, y; elefante, payasu. Dií dií ka ntio kó elefanté

san. Ntánchɨtɨ tɨ ̄te kakaan tóo tɨ.̄ Ntánarkɨn̄ii á payasú san pilota. Dōó tsampa ña.